5 Loko Vasiriya va le Damaska+ va ta lamulela Hosi Hadadezera wa Soba, Davhida a dlaya Vasiriya va 22 000.+ 6 Kutani Davhida a veka masocha eSiriya wa Damaska, leswi endleke leswaku Vasiriya va va malandza ya Davhida lama hakelaka xibalo. Yehovha a nyika Davhida matimba yo hlula hinkwako laha a a ya kona.+ 7 Ku tlula kwalaho, Davhida a teka switlhangu swa xirhendzevutana swa nsuku eka malandza ya Hadadezera a swi yisa eYerusalema.+ 8 EBeta ni le Berota, miti ya Hadadezera, Hosi Davhida u teke koporo yo tala ngopfu.