22 Eku heteleleni Xikwembu xi tsundzuka Rahele, ivi xi yingisa xi tlhela xi n’wi hlamula hi ku endla leswaku a kuma vana.+

24 Hiloko a n’wi thya vito ra Yosefa,*+ a ku: “Yehovha u ndzi nyike n’wana un’wana wa jaha.”

22 “Yosefa+ i rhavi ra murhi lowu tswalaka mihandzu yo tala, murhi wa mihandzu yo tala lowu nga etlhelo ka xihlovo lowu marhavi ya wona ma fikaka ni le henhla ka khumbi. 23 Kambe vacopi va tshamela ku n’wi karhata ni ku n’wi copa, va n’wi venga.+ 24 Hambiswiritano, vurha byakwe a byi tsekatsekanga+ ni mavoko yakwe a ma karhalanga.+ A ku ri hikwalaho ka mavoko ya loyi a nga ni matimba wa Yakobo, murisi ni ribye ra Israyele. 25 Yena* i nyiko leyi humaka eka Xikwembu xa tata wa wena naswona xi ta ku pfuna, u ni Lowa Matimba Hinkwawo, kutani u ta ku katekisa hi mikateko leyi humaka etilweni, mikateko leyi humaka ehansi+ naswona u ta ku nyika vana vo tala ni swifuwo. 26 Mikateko ya tata wa wena yi ta tlula mikateko ya tintshava leti tshamaka hilaha ku nga heriki, ni swintshabyana swo saseka leswi tshamaka hi masiku.+ Yi ta va enhlokweni ya Yosefa, ehenhla ka thavathava ya loyi a hlawuriweke exikarhi ka vamakwavo.+