2 hosi yi byela muprofeta Nathani+ yi ku: “Vona, mina ndzi tshama endlwini leyi akiweke hi mikedari,+ kasi Areka ya Xikwembu xa ntiyiso yi tshama exikarhi ka tende leri endliweke hi malapi.”+

3 “U swi tiva kahle leswaku Davhida tata wa mina a nga swi kotanga ku aka yindlu ya vito ra Yehovha Xikwembu xakwe hikwalaho ka tinyimpi leti a ti lweke matlhelo hinkwawo, ku fikela loko Yehovha a veka valala vakwe ehansi ka mikondzo yakwe.+