14 Tsaka hi nkarhi wa nkhuvo,+ wena ni n’wana wa wena wa jaha, n’wana wa wena wa nhwanyana, hlonga ra wena ra xinuna, hlonga ra wena ra xisati, Mulevhi, muluveri, n’wana la nga riki na tatana ni noni, lava tshamaka na wena etikweni. 15 U ta endlela Yehovha Xikwembu xa wena nkhuvo ku ringana masiku ya nkombo+ endhawini leyi Yehovha a nga ta yi hlawula, hikuva Yehovha Xikwembu xa wena u ta katekisa ntshovelo wa wena hinkwawo ni hinkwaswo leswi u swi endlaka+ naswona u ta tsaka swinene.+