11 Kambe Hosi Solomoni a va ni vavasati+ vo tala va matiko handle ka n’wana wa Faro:+ vavasati va Vamowabu,+ va Vaamoni,+ va Vaedomu, va Vasidoni+ ni va Vaheti.+ 2 A va huma ematikweni lawa Yehovha a byeleke Vaisrayele ha wona a ku: “Mi nga tshuki mi tekana na vona, na vona va nga tshuki va tekana na n’wina, hikuva va ta endla leswaku timbilu ta n’wina ti landzela swikwembu swa vona.”+ Kambe Solomoni a va namarhela a va rhandza. 3 A a ri ni vasati va 700 lava a va ri tihosana ta xisati ni vasati lavatsongo va 300, vasati vakwe va hambukisa mbilu yakwe hakatsongotsongo. 4 Loko Solomoni a dyuhele,+ vasati vakwe va hambukise mbilu yakwe leswaku yi landzela swikwembu+ swin’wana, mbilu yakwe a yi nga ha hetisekanga eka Yehovha Xikwembu xakwe ku hambana ni mbilu ya Davhida tata wakwe. 5 Hiloko Solomoni a gandzela Axitoreti+ xikwembukati xa Vasidoni na Milikomo+ xikwembu lexi nyenyetsaka xa Vaamoni.