11 Kutani Muxe a ku eka Yehovha: “Hikwalaho ka yini u vangele nandza wa wena maxangu? Hikwalaho ka yini u nga ndzi tweli vusiwana, lerova u ndzi rhwexa ndzhwalo wa vanhu lava hinkwavo?+

15 Loko leyi ku ri ndlela leyi u nga ta ndzi khoma ha yona, ndzi kombela u ndzi dlaya sweswi.+ Kambe loko u ndzi rhandza, ndzi sirhelele leswaku ndzi nga ha voni maxangu.”

3 Eliya a sungula ku chava, hiloko a baleka leswaku a ponisa vutomi bya yena.+ A fika eBera-xeba+ lowu nga muti wa Yuda,+ a siya mutirhi wakwe kona. 4 A ya emananga ivi a famba siku hinkwaro, a fika a tshama ehansi ka murhi wa brumu, a kombela leswaku a fa. A ku: “Swi ringene! Yehovha Xikwembu xanga, herisa vutomi bya mina sweswi,+ hikuva a ndzi va tluli ha nchumu vakokwana.”

16 Ndzi venga vutomi bya mina;+ a ndza ha swi lavi ku ya emahlweni ndzi hanya.

Ndzi tshike, hikuva masiku ya mina ma fana ni moya.+

2 Kutani a khongela eka Yehovha, a ku: “Yehovha, xana mhaka leyi a ndzi yi vulanga loko ndza ha ri etikweni ra rikwerhu? Hi swona swi endleke ndzi ringeta ku balekela eTaraxixi;+ hikuva a ndzi swi tiva leswaku wena u Xikwembu lexi nga ni ntwelavusiwana* ni tintswalo, lexi hlwelaka ku hlundzuka naswona xi nga ni rirhandzu,+ lexi nga rhandziki ku lovisa. 3 Yehovha Xikwembu xanga, ndzi kombela u ndzi dlaya, hikuva swa antswa leswaku ndzi fa ematshan’weni ya leswaku ndzi hanya.”+