• Pisalema 15:1-5
    Bibele—Matsalwa Yo Kwetsima Ya Misava Leyintshwa

    • 15 Yehovha Xikwembu xanga, i mani la nga vaka muendzi etendeni ra wena?

      I mani la nga tshamaka entshaveni ya wena yo kwetsima?+

       2 Hi loyi a tshembekaka,+

      Loyi a endlaka leswinene+

      Loyi a vulavulaka ntiyiso embilwini yakwe.+

       3 A nga hlevi,+

      U khoma van’wana* kahle,+

      A nga va onhi mavito vanghana vakwe.*+

       4 U fambela ekule ni un’wana ni un’wana la endlaka swo biha,+

      Kambe u xixima lava chavaka Yehovha.

      A nga cinci loko a tshembisile,* hambiloko a langutane ni swiyimo swo tika.+

       5 A nga lombisi mali yakwe hi ntswalo,+

      A nga pfumeli ku xaviwa leswaku a lwa ni loyi a nga riki na nandzu.+

      Un’wana ni un’wana la endlaka swilo leswi a nge pfuki a tsekatsekisiwile.+

  • Pisalema 84:1-4
    Bibele—Matsalwa Yo Kwetsima Ya Misava Leyintshwa

    • 84 A hi ku saseka ka tabernakela ya wena leyikulu,+

      Yehovha wa mavuthu!

       2 Ndzi swi navela hi mbilu hinkwayo,

      Ku ya eswivaveni* swa Yehovha+

      A ndza ha tikoti hi ku navela.

      Ndzi dzunisa Xikwembu lexi hanyaka hi mbilu ni matimba ya mina hinkwawo.

       3 Hambi ku ri xinyenyana xi kume yindlu kwalaho

      Ni mbewulana* yi tikumele xisaka,

      Laha yi hlayisaka mavondlo ya yona

      Ekusuhi ni altari ya wena leyikulu, Yehovha wa mavuthu,

      Hosi yanga ni Xikwembu xanga!

       4 Va tsaka lava tshamaka endlwini ya wena!+

      Va ya emahlweni va ku dzunisa.+ (Selah)