15 Xikan’wekan’we loko vaprista lava rhwaleke Areka va fika eYordani, va peta milenge ya vona ematini (nambu wa Yordani wu va wu tele ngopfu+ masiku hinkwawo ya nkarhi wa ntshovelo), 16 hiloko mati lawa a ma khuluka ma huma hala henhla ka nambu ma yima. Ma yime ku fana ni damu* le kule ngopfu eAdamu, muti lowu nga etlhelo ka Saretana, kasi mati lama khulukaka ma ya eLwandle ra Araba, Lwandle ra Munyu,* ma omile. Ma khawukile kutani vanhu va tsemakanya va ya etlhelo leri langutaneke na Yeriko.