• Pisalema 40:13-17
    Bibele—Matsalwa Yo Kwetsima Ya Misava Leyintshwa

    • 13 Yehovha ndzi kombela u ta ndzi ponisa.+

      Yehovha, hatlisa u ta ndzi pfuna.+

      14 Onge hinkwavo lava lavaka ku ndzi dlaya

      Va nga khomisiwa tingana va nyuma.

      Onge lava tsakaka loko ndzi weriwa hi khombo

      Va nga baleka va korhamise tinhloko hi tingana.

      15 Onge lava vulaka eka mina va ku: “Khone!”

      Va nga khomiwa hi tingana letikulu.

      16 Kambe lava va ku lavaka+

      A va khane, va tsaka ha wena.+

      Onge lava va rhandzaka ku ponisa ka wena va nga tshamela ku vula va ku:

      “A ku dzunisiwe Yehovha!”+

      17 Kambe a ndzi na mupfuni naswona ndzi xisiwana;

      Onge Yehovha a nga ndzi yingisa.

      U mupfuni wa mina ni muponisi wa mina;+

      U nga hlweli Xikwembu xanga.+