Watchtower LAYIBURARI YA LE KA WEB SITE

Eksoda 9:16

Bibele—Matsalwa Yo Kwetsima Ya Misava Leyintshwa
- 16 Kambe ndzi ku tshike u hanya hikwalaho ka xivangelo lexi: leswaku ndzi ku komba matimba ya mina ni leswaku vito ra mina ri twarisiwa emisaveni hinkwayo.+

Esaya 52:10

Bibele—Matsalwa Yo Kwetsima Ya Misava Leyintshwa
- 10 Yehovha u kombe matiko hinkwawo voko rakwe ro kwetsima;+
  Misava hinkwayo yi ta vona ndlela leyi Xikwembu xa hina xi ponisaka ha yona.+

Daniyele 3:29

Bibele—Matsalwa Yo Kwetsima Ya Misava Leyintshwa
- 29 Kutani ndzi veka nawu wa leswaku munhu wihi ni wihi, vanhu va matiko ni tindzimi to hambanahambana lava nga ta tshuka va vulavula ku biha hi Xikwembu xa Xadraka, Mixaka na Abedinigo va fanele va phatluleriwa, tiyindlu ta vona ti fanele ti endliwa swihambukelo swa mani na mani;* hikuva a xi kona xikwembu xin’wana lexi xi kotaka ku ponisa ku fana ni lexi.”+

Daniyele 6:26, 27

Bibele—Matsalwa Yo Kwetsima Ya Misava Leyintshwa
- 26 Ndzi humesa nawu wa leswaku vanhu hinkwavo lava kumekaka emfun’weni wa mina, va fanele va chava Xikwembu xa Daniyele.+ I Xikwembu lexi hanyaka, lexi xi nga ta va kona hilaha ku nga heriki. Mfumo wa xona a wu nge pfuki wu lovisiwile, xi ta fuma hilaha ku nga heriki.+ 27 Xi ponisa+ ni ku kutsula vanhu va xona, ni ku endla swikombiso ni swihlamariso ematilweni ni le misaveni,+ hikuva xi ponise Daniyele leswaku a nga dlayiwi hi tinghala.”