• Mikiya 6:6-8
    Bibele—Matsalwa Yo Kwetsima Ya Misava Leyintshwa

    •  6 Xana ndzi ta ya eka Yehovha ndzi khome yini?

      Xana ndzi ta khinsama emahlweni ka Xikwembu lexi nga le henhla ndzi khome yini?

      Xana ndzi nga ya eka xona ndzi ri ni magandzelo yo hisiwa,

      Ndzi ri ni marhole ya lembe rin’we?+

       7 Xana Yehovha u ta tsakisiwa hi magidi ya makhuna,

      Ni mafurha yo tala ku fana ni milambu?+

      Xana ndzi nga nyikela hi n’wana wa mina wa jaha wa mativula, hikwalaho ka ku xandzuka ka mina,

      N’wana wa mina, hikwalaho ka xidyoho xa mina?+

       8 Wena munhu, u ku byerile leswi nga swinene.

      Xana Yehovha u lava* yini eka wena?

      U lava u kombisa vululami,+ u tshembeka,+

      U tlhela u titsongahata+ eka Xikwembu xa wena!+