6 Hiloko Yehovha a ku: “Vanhu lava va twanana hikuva va vulavula ririmi rin’we.+ Vona leswi va swi sunguleke, va nga kota ku endla xin’wana ni xin’wana lexi va xi lavaka. 7 A hi+ ye hi ya pfilunganya ririmi ra vona leswaku va nga twisisani loko va vulavula.”

19 Kutani Yosefa a ku: “Mi nga chavi. Xana ndzo va Xikwembu mina? 20 Hambileswi a mi lava ku ndzi endla swo biha,+ Xikwembu xi swi cince swi va nchumu lowunene leswaku ku ta pona vanhu vo tala, hilaha xi endlaka hakona namuntlha.+

30 A ku na vutlhari, kumbe ku twisisa kumbe ndzayo leswi nga lwaka na Yehovha.+

35 Vaaki hinkwavo va misava va tekiwa va nga ri nchumu, u endla leswi a swi rhandzaka hi vuthu ra yena ra le matilweni ni vaaki va misava. A nga kona loyi a nga n’wi sivelaka+ kumbe loyi a nga n’wi vutisaka a ku, ‘U endla yini?’+

38 Hikwalaho, emhakeni leyi, ndzi ri eka n’wina, mi nga tikarhati hi vanhu lava, va tshikeni. Hikuva loko kungu kumbe ntirho lowu wu huma eka vanhu, a wu nge tlhaveriwi hi dyambu; 39 kambe loko wu huma eka Xikwembu, a mi nge swi koti ku va tshikisa.+ Handle ka sweswo mi ta tikuma mi ri eku lweni ni Xikwembu hi xoxe.”+