• Esaya 41:7
    Bibele—Matsalwa Yo Kwetsima Ya Misava Leyintshwa

    •  7 Hiloko muvatli a tiyisa loyi a tirhaka hi nsimbhi;+

      Loyi a baka nsimbhi yi va xiphepherhele hi hamula

      U tiyisa loyi a belelaka ehenhla ka nsimbhi.*

      Loko a vona laha tinsimbhi ti hlanganisiweke kona u ri: “Ti hlanganisiwe kahle.”

      Kutani xifaniso xi tiyisiwa hi swipikiri leswaku xi nga wi.

  • Esaya 46:6, 7
    Bibele—Matsalwa Yo Kwetsima Ya Misava Leyintshwa

    •  6 Ku ni lava humesaka nsuku hi vusopfa eswipachini swa vona;

      Va pima silivhere hi xikalo.

      Va thola loyi a tirhaka hi nsimbhi, a va endlela xikwembu.+

      Kutani va khinsama emahlweni ka xona va xi gandzela.+

       7 Va xi rhwala hi makatla;+

      Va ya xi veka endhawini ya xona, xi yima xi ku whii!

      A xi suki laha xi vekiweke kona.+

      Va xi huwelela, kambe a xi hlamuli;

      A xi swi koti ku ponisa munhu emaxangwini.+