14 Loko Yesu a fika endlwini ya Petro, a vona mana wa nsati wa Petro+ a etlele, a karhatiwa hi ku hisa ka miri.+ 15 Hiloko a khumba voko rakwe,+ kutani a hola, a pfuka a sungula ku va lunghisela swakudya. 16 Nimadyambu, vanhu va n’wi tisela vanhu vo tala lava nga ni madimona; a ma hlongola hi rito, a tlhela a hanyisa ni hinkwavo lava a va xaniseka, 17 leswaku ku hetiseka leswi vuriweke hi muprofeta Esaya, loyi a nga te: “Yena u rhwale mavabyi ni switlhavi swa hina.”+