Watchtower LAYIBURARI YA LE KA WEB SITE

Deteronoma 31:16, 17

Bibele—Matsalwa Yo Kwetsima Ya Misava Leyintshwa
- 16 Yehovha a byela Muxe a ku: “Yingisa! U ta fa ku nga ri khale naswona vanhu lava, va ta sungula ku gandzela* swikwembu swin’wana swa matiko lawa ma nga ekusuhi ni tiko leri va nga ta ri teka.+ Va ta tshika ku ndzi gandzela+ va tlula ntwanano lowu ndzi wu endleke na vona.+ 17 Hi nkarhi wolowo ndzi ta va hlundzukela swinene+ naswona ndzi ta va tshika+ ndzi va tumbetela xikandza xa mina+ ku fikela loko va herisiwa. Kutani endzhaku ka loko va weriwe hi makhombo ni maxangu yo tala+ va ta ku, ‘Xana makhombo lawa a ma hi welanga hikwalaho ka leswi Xikwembu xa hina xi nga riki kona exikarhi ka hina?’+

Deteronoma 32:20

Bibele—Matsalwa Yo Kwetsima Ya Misava Leyintshwa
- 20 Hiloko a ku, ‘Ndzi ta va tumbetela xikandza xa mina;+
  Ndzi vona leswaku va ta helela kwihi.
  
  Hikuva i vanhu vo homboloka,+
  Lava nga tshembekiki.+

Esaya 57:17

Bibele—Matsalwa Yo Kwetsima Ya Misava Leyintshwa
- 17 A ndzi n’wi* hlundzukerile hikwalaho ka leswi a nga ni makwanga,+
  Hiloko ndzi n’wi ba, ndzi tumbete xikandza xa mina naswona a ndzi hlundzukile.
  
  Kambe u ye emahlweni a tiendlela ku rhandza.+

Ezekiyele 39:23

Bibele—Matsalwa Yo Kwetsima Ya Misava Leyintshwa
- 23 Matiko ma ta swi tiva leswaku vanhu va Israyele va ye evuhlongeni hikwalaho ka xihoxo xa vona, hikwalaho ka leswi va nga tshembekangiki eka mina.+ Ndzi va tumbetele xikandza xa mina,+ ndzi va nyiketa eka valala va vona+ kutani hinkwavo ka vona va dlayiwe hi banga.

Mikiya 3:4

Bibele—Matsalwa Yo Kwetsima Ya Misava Leyintshwa
- 4 Hi nkarhi wolowo va ta kombela mpfuno eka Yehovha,
  Kambe a nge va hlamuli.
  
  Enkarhini wolowo u ta va fularhela,+
  Hikwalaho ka mitirho ya vona yo biha.+