27 “Yimisani mfungho etikweni.+
Banani nanga exikarhi ka matiko.
Hlawulani matiko lama nga ta lwa na yena.
N’wi vitaneleni mfumo wa Ararati,+ wa Mini ni wa Axikenazi.+
N’wi vekeleni socha leri nga ta lwa na yena.
N’wi vitaneleni tihanci to tala ku fana ni swinjiyana.
28 Hlawulani matiko lama nga ta lwa na yena,
Tihosi ta Meda,+ tindhuna ta yena ni vapfuni va tona
Ni matiko hinkwawo lama fumiwaka hi tona.