3 Yehovha Xikwembu xa wena u ta ku twela vusiwana+ a vuyisa vanhu va wena lava yisiweke evuhlongeni,+ a tlhela a ku hlengeleta u suka eka vanhu hinkwavo lava Yehovha Xikwembu xa wena a ku hangalaseleke eka vona.+

9 Kambe loko mi vuya eka mina mi tlhela mi yingisa swileriso swa mina, hambiloko vanhu va wena lava hangalakeke va ri emakumu ka misava, ndzi ta va hlengeleta+ ndzi va veka endhawini leyi ndzi yi hlawuleke leswaku vito ra mina ri dzunisiwa eka yona.’+

11 Hi siku rero Yehovha u ta tlhela a pfuna masalela ya vanhu vakwe lava saleke eAsiriya,+ eEgipta,+ ePatirosi,+ eKuxi,+ eElami,+ eXinara* ni le Hamati ku katsa ni le swihlaleni leswi nga elwandle.+ 12 U ta vekela matiko xikombiso kutani a hlengeleta Vaisrayele lava hangalakeke,+ u ta hlengeleta vanhu va le Yuda lava hangalakeke ematlhelweni ya mune ya misava.+