18 Hi lembe ra vunharhu ra ku fuma ka Hoxeya+ n’wana wa Elaha hosi ya Israyele, Hezekiya+ n’wana wa Hosi Akazi+ wa Yuda a va hosi.

4 Hi yena loyi a suseke tindhawu leti tlakukeke,+ a tlhela a tshovelela tiphuphu leti va ti hundzuleke swikwembu, a tsema ni mhandzi ya Axera.*+ U tlhele a fayetela ni nyoka ya koporo leyi endliweke hi Muxe;+ hikuva ku fikela nkarhi wolowo Vaisrayele a va gandzela nyoka yoleyo ya koporo, a yi vitaniwa nyoka ya xifaniso xa koporo.*

31 Loko va heta ku tlangela nkhuvo, Vaisrayele hinkwavo lava a va ri kwalaho va ye emitini ya Yuda, va fika va fayelela tiphuphu leti va ti hundzuleke swikwembu,+ va tsema timhandzi ta Axera,*+ va mbundzumuxa ni tindhawu leti tlakukeke+ ni tialtari+ etikweni hinkwaro ra Yuda, Benjamini na Efrayimi na Manase,+ kukondza va swi heta, endzhaku ka sweswo Vaisrayele hinkwavo va tlhelela emitini ya vona.