• Yoxuwa 10:12, 13
    Bibele—Matsalwa Yo Kwetsima Ya Misava Leyintshwa

    • 12 A ku ri hi siku rero leri Yehovha a nyiketeke Vaamori eka Vaisrayele loko Yoxuwa a vulavula na Yehovha emahlweni ka Vaisrayele a ku:

      “Dyambu, yima+ ehenhla ka Gibiyoni,+

      Ni n’weti, eNkoveni wa Ayaloni.”

      13 Hiloko dyambu ri yima ni n’weti wu yima wu nga fambi kukondza tiko ri tirihisela eka valala va rona. Xana a swi tsariwanga ebukwini ya Yaxara?+ Dyambu ri yima ri nga peli exikarhi ka matilo naswona a ri hatliselanga ku pela kwalomu ka siku hinkwaro.