Watchtower LAYIBURARI YA LE KA WEB SITE

Watchtower LAYIBURARI YA LE KA WEB SITE

LAYIBURARI YA LE KA WEB SITE

Esaya 2:2, 3

Bibele—Matsalwa Yo Kwetsima Ya Misava Leyintshwa
- 2 Emikarhini ya makumu,
  Ntshava ya yindlu ya Yehovha
  Yi ta simekiwa yi tiya ehenhla ka tintshava,+
  Naswona yi ta tlakusiwa yi tlula ni swintshabyana,
  Matiko hinkwawo ma ta khitikanela eka yona.+
  
  3 Vanhu vo tala va ta ya kona kutani va ku:
  
  “Tanani, a hi tlhandlukeleni entshaveni ya Yehovha,
  Endlwini ya Xikwembu xa Yakobo.+
  
  U ta hi dyondzisa tindlela ta yena,
  Kutani hi ta famba emitileni ya yena.”+
  
  Hikuva nawu* wu ta huma eSiyoni,
  Ni rito ra Yehovha ri ta huma eYerusalema.+

Esaya 56:6, 7

Bibele—Matsalwa Yo Kwetsima Ya Misava Leyintshwa
- 6 Loko ku ri valuveri lava namarhelaka Yehovha leswaku va n’wi tirhela,
  Va rhandza vito ra Yehovha+
  
  Ni ku va malandza yakwe,
  Hinkwavo lava hlayisaka Savata va nga yi nyamisi
  Naswona va hlayisaka ntwanano wa mina,
  7 Na vona ndzi ta va tisa entshaveni ya mina yo kwetsima+
  
  Ndzi va endla va tsaka endlwini ya mina ya xikhongelo.
  
  Magandzelo ya vona yo hisiwa lama heleleke ni magandzelo laman’wana ma ta amukeriwa ealtarini ya mina.
  
  Hikuva yindlu ya mina yi ta vuriwa yindlu ya xikhongelo ya vanhu hinkwavo.”+

Esaya 60:3

Bibele—Matsalwa Yo Kwetsima Ya Misava Leyintshwa
- 3 Matiko ma ta ta eku vonakaleni ka wena+
  
  Ni tihosi+ ti ta ta eku vangameni ka wena.+

Mikiya 4:1, 2

Bibele—Matsalwa Yo Kwetsima Ya Misava Leyintshwa
- 4 Emikarhini ya makumu,
  Ntshava ya yindlu ya Yehovha+
  Yi ta simekiwa yi tiya ehenhla ka tintshava,
  Naswona yi ta tlakusiwa yi tlula ni swintshabyana,
  Vanhu va ta khitikanela eka yona.+
  
  2 Matiko yo tala ma ta ya kona kutani ma ku:
  
  “Tanani, a hi tlhandlukeleni entshaveni ya Yehovha
  Ni le ndlwini ya Xikwembu xa Yakobo.+
  
  U ta hi dyondzisa tindlela ta yena,
  Kutani hi ta famba emitileni ya yena.”
  
  Hikuva nawu* wu ta huma eSiyoni,
  Ni rito ra Yehovha ri ta huma eYerusalema.

Zakariya 2:11

Bibele—Matsalwa Yo Kwetsima Ya Misava Leyintshwa
- 11 “Hi siku rero matiko yo tala ma ta namarhela Yehovha,+ ma ta va vanhu va mina; kutani ndzi ta tshama na n’wina.” Mi ta swi tiva leswaku Yehovha wa mavuthu hi yena loyi a ndzi rhumeke eka n’wina.

Zakariya 8:22, 23

Bibele—Matsalwa Yo Kwetsima Ya Misava Leyintshwa
- 22 Kutani vanhu vo tala ni matiko ya matimba va ta ta va ta kombela mpfuno eka Yehovha wa mavuthu eYerusalema+ ni ku kombela ku rivaleriwa hi Yehovha.’
  
  23 “Yehovha wa mavuthu u ri, ‘Emasikwini wolawo vanhu va khume lava humaka eka tindzimi hinkwato ta matiko+ va ta khomelela nguvu ya Muyuda,* va ku: “Hi lava ku famba na n’wina+ hikuva hi swi twile leswaku Xikwembu xi na n’wina.”’”+