2 “Loko wo xava hlonga ra Muheveru,+ ri ta va hlonga malembe ya tsevu kambe hi lembe ra vunkombo ri ta tshunxiwa ri nga hakeli nchumu.+

10 Mi fanele mi endla lembe ra vu-50 ri va ro hlawuleka, mi huwelela ntshunxeko eka vaaki hinkwavo etikweni hinkwaro.+ Ri ta va Lembe Ra Ntshunxeko* eka n’wina, kutani un’wana ni un’wana wa n’wina u ta tlhelela etikweni leri nga ndzhaka yakwe naswona un’wana ni un’wana wa n’wina u fanele a tlhelela endyangwini wakwe.+

39 “‘Loko makwenu loyi a tshamaka na wena o va xisiwana kutani a boheka ku tixavisa eka wena,+ u nga n’wi sindzisi ku endla mitirho ya vuhlonga.+ 40 U fanele a khomiwa ku fana ni mutirhi la thoriweke,+ ku fana ni muluveri. U fanele a ku tirhela ku fikela hi Lembe Ra Ntshunxeko. 41 Kutani u ta suka eka wena, yena ni vana vakwe a tlhelela endyangwini wa ka vona. U fanele a tlhelela endhawini leyi nga ndzhaka ya vakokwa wakwe.+ 42 Hikuva i mahlonga ya mina lawa ndzi ma humeseke etikweni ra Egipta.+ A va fanelanga va tixavisa hilaha hlonga ri xavisiwaka hakona.

12 “Loko wo tshuka u xaviseriwa makwenu, Muheveru wa xinuna kumbe wa xisati kutani a ku tirhela malembe ya tsevu, u fanele u n’wi tshika a famba hi lembe ra vunkombo.+