-
2 Tihosi 25:8-10Bibele—Matsalwa Yo Kwetsima Ya Misava Leyintshwa
-
-
8 Hi siku ra vunkombo ra n’hweti ya vuntlhanu, ku nga lembe ra vu-19 ra ku fuma ka Hosi Nebukadnetsara wa le Babilona, Nebuzaradani+ ndhuna ya varindzi, nandza wa hosi ya le Babilona a ya eYerusalema.+ 9 A fika a hisa yindlu ya Yehovha,+ yindlu ya hosi+ ku katsa ni tiyindlu hinkwato leti a ti ri eYerusalema;+ u tlhele a hisa yindlu ya wanuna un’wana ni un’wana la dumeke.+ 10 Masocha hinkwawo ya Vakalidiya lawa a ma ri ni ndhuna ya varindzi ma hirimuxe makhumbi lawa a ma rhendzele muti wa Yerusalema.+
-
-
2 Tikronika 34:24, 25Bibele—Matsalwa Yo Kwetsima Ya Misava Leyintshwa
-
-
24 “Yehovha u ri, ‘Ndzi ta tisa khombo endhawini leyi ni le ka vaaki va yona,+ mindzhukano hinkwayo leyi tsariweke ebukwini+ leyi va yi hlayeleke hosi ya Yuda yi ta humelela. 25 Hikwalaho ka leswi va ndzi fularheleke+ naswona va hiselaka swikwembu swin’wana magandzelo leswaku va ndzi hlundzukisa+ hi mitirho ya mavoko ya vona hinkwayo, vukarhi bya mina byi ta pfurhela ndhawu leyi, a byi nge timeriwi.’”+
-
-
2 Tikronika 36:16, 17Bibele—Matsalwa Yo Kwetsima Ya Misava Leyintshwa
-
-
16 Kambe va ye emahlweni va hlekula malandza ya Xikwembu xa ntiyiso,+ va nga ma yingisi marito yakwe+ ni ku rhukana vaprofeta vakwe+ kukondza Yehovha a va hlundzukela+ lerova swi va erivaleni leswaku a va nga ha tshunguleki.
17 U endle leswaku hosi ya Vakalidiya+ yi va hlasela, yi fika yi dlaya majaha ya vona hi banga+ etempeleni leyi va tiendleleke yona;+ a yi vanga ni ntwelavusiwana eka jaha kumbe nhwana, lonkulu kumbe loyi a vabyaka.+ Xikwembu xi endle leswaku yi herisa swilo hinkwaswo.+
-