Watchtower LAYIBURARI YA LE KA WEB SITE

Esaya 1:17

Bibele—Matsalwa Yo Kwetsima Ya Misava Leyintshwa
- 17 Dyondzani ku endla leswinene, avanyisani hi ndlela leyinene,+
  Tshinyani loyi a tshikilelaka,
  Lwelani timfanelo ta n’wana loyi a nga riki na tatana,
  Mi pfuna noni.”+

Yeremiya 22:3

Bibele—Matsalwa Yo Kwetsima Ya Misava Leyintshwa
- 3 Yehovha u ri: “Kombisani vululami mi endla leswinene. Ponisani loyi a kanganyisiwaka hi mukanganyisi. Mi nga n’wi khomi hi ndlela yo biha muluveri naswona mi nga vavisi n’wana loyi a nga riki na tatana* kumbe noni.+ Mi nga halati ngati leyi nga riki na nandzu endhawini leyi.+

Ezekiyele 22:29

Bibele—Matsalwa Yo Kwetsima Ya Misava Leyintshwa
- 29 Vanhu va tiko va endle vukanganyisi va tlhela va tekela vanhu swilo swa vona,+ va xanise xisiwana ni loyi a pfumalaka, va kanganyise muluveri naswona a va nga n’wi khomi kahle.’

Mikiya 2:2

Bibele—Matsalwa Yo Kwetsima Ya Misava Leyintshwa
- 2 Va navela masimu kutani va ma teka;+
  Ni tiyindlu kutani va ti teka;
  Va tekela wanuna yindlu yakwe,+
  Va n’wi tekela ndzhaka yakwe.