31 “Rhumela rungula eka vanhu hinkwavo lava nga evuhlongeni u ku, ‘Yehovha u vula leswi mayelana na Xemaya wa le Nehelamu: “Hikwalaho ka leswi Xemaya a mi profeteleke, hambileswi ndzi nga n’wi rhumangiki naswona a ringeteke ku endla leswaku mi tshemba mavunwa,+ 32 Yehovha u ri, ‘Ndzi xupula Xemaya wa le Nehelamu ni vana va yena. A ku nge poni munhu ni un’we endyangwini wa yena exikarhi ka vanhu lava naswona a nge swi voni swilo leswinene leswi ndzi nga ta swi endlela vanhu va mina,’ ku vula Yehovha, ‘hikuva u khutaze vanhu ku xandzukela Yehovha.’”’”