• Ezekiyele 25:12-14
    Bibele—Matsalwa Yo Kwetsima Ya Misava Leyintshwa

    • 12 “Yehovha Hosi Leyi Tlakukeke u ri: ‘Edomu u rihiserile eka tiko ra Yuda kutani u tivangele nandzu lowukulu hi ku tirihisela eka vona;+ 13 hikwalaho Yehovha Hosi Leyi Tlakukeke u ri: “Ndzi ta tlhela ndzi tlakusa voko ra mina ndzi lwa na Edomu, ndzi ta dlaya vanhu ni swifuwo swa yena, ndzi ta n’wi siya a ri rhumbi.+ Va ta dlayiwa hi banga ku suka eTemani ku ya fika eDedani.+ 14 ‘Ndzi ta tirihisela eka Edomu hi ku tirhisa vanhu va mina ku nga Vaisrayele.+ Va ta tisa ku hlundzuka ka mina ni vukarhi bya mina eka Edomu, leswaku a ta vona ku rihisela ka mina,’+ ku vula Yehovha Hosi Leyi Tlakukeke.”’

  • Amosi 1:11, 12
    Bibele—Matsalwa Yo Kwetsima Ya Misava Leyintshwa

    • 11 Yehovha u ri,

      ‘A ndzi nge tshiki ku xupula Edomu+ hikwalaho ka milandzu yinharhu ni hikwalaho ka mune wa yona,

      Hikuva u hlongorise makwavo hi banga,+

      Naswona a nga na ntwelavusiwana;

      Hikwalaho ka vukarhi bya yena u tshamela ku va kakatlula,

      U tshama a va hlundzukerile.+

      12 Ndzi ta rhumela ndzilo eTemani,+

      Wu ta hisa swihondzo swa muti wa Bosira.’+