• Zakariya 9:9, 10
    Bibele—Matsalwa Yo Kwetsima Ya Misava Leyintshwa

    •  9 Tsaka u tsakisisa, wena nhwanyana wa Siyoni.

      Bana nkulungwana, wena nhwanyana wa Yerusalema.

      Vona! Hosi ya wena yi ta eka wena.+

      Yi lulamile, yi tisa ku ponisa,

      Ya titsongahata+ naswona yi gade mbhongolo,

      Yi gade ximbhongolwana,* n’wana wa mbhongolo ya xisati.+

      10 Ndzi ta tekela Efrayimi kalichi ya nyimpi

      Ni hanci eYerusalema.

      Vurha* bya nyimpi byi ta tekiwa.

      Yi ta endla leswaku matiko ma va ni ku rhula;+

      Mfumo wa yona wu ta nava ku suka elwandle rin’wana ku ya eka rin’wana

      Ni ku suka eNambyeni* ku ya fika emakumu ka misava.+