5 Mi fanele mi hlayisa milawu ya mina ni swiboho swa mina swa vuavanyisi; loyi a endlaka tano u ta hanya hikwalaho ka swona.+ Hi mina Yehovha.

25 Kutani wanuna un’wana loyi a a tiva Nawu a suka a yima leswaku a n’wi ringa, a ku: “Mudyondzisi, ndzi fanele ndzi endla yini leswaku ndzi kuma vutomi lebyi nga heriki?”+ 26 Yesu a n’wi hlamula a ku: “Nawu wu ri yini? Xana u hlayisa ku yini?” 27 A n’wi hlamula a ku: “‘U fanele u rhandza Yehovha* Xikwembu xa wena hi mbilu ya wena hinkwayo, hi vutomi bya wena hinkwabyo, hi matimba ya wena hinkwawo ni hi mianakanyo ya wena hinkwayo,’+ ni ‘ku rhandza warikwenu hi ndlela leyi u tirhandzaka ha yona.’”+ 28 Yesu a ku: “U hlamule kahle; yana emahlweni u endla tano kutani u ta kuma vutomi.”+