-
Matewu 9:3-8Bibele—Matsalwa Yo Kwetsima Ya Misava Leyintshwa
-
-
3 Van’wana va vatsari va tibyela va ku: “Munhu loyi u sandza Xikwembu.” 4 Hi ku tiva miehleketo ya vona, Yesu a ku: “Hikwalaho ka yini mi ehleketa swilo swo homboloka etimbilwini ta n’wina?+ 5 Hi xikombiso, i yini lexi olovaka, xana i ku vula u ku, ‘Swidyoho swa wena swi rivaleriwile,’ kumbe i ku vula u ku, ‘Pfuka u famba’?+ 6 Kambe, ku endlela leswaku mi swi tiva leswaku N’wana wa munhu u ni matimba yo rivalela swidyoho emisaveni,” hiloko a byela munhu loyi a omeke swirho a ku: “Pfuka, teka sangu ra wena u muka.”+ 7 Hiloko a pfuka a khoma ndlela a muka. 8 Kuteloko mintshungu yi vona leswi, yi sungula ku chava, yi dzunisa Xikwembu, lexi nyikeke vanhu matimba yo tano.
-
-
Luka 5:21-26Bibele—Matsalwa Yo Kwetsima Ya Misava Leyintshwa
-
-
21 Hiloko vatsari ni Vafarisi va sungula ku vutisana, va ku: “Xana i mani munhu loyi, loyi a rhukanaka Xikwembu? A nga kona loyi a nga rivalelaka swidyoho handle ka xona.”+ 22 Kambe Yesu hi ku tiva leswi nga emiehleketweni ya vona, a va hlamula a ku: “I yini leswi mi swi ehleketaka etimbilwini ta n’wina? 23 I yini lexi olovaka, xana i ku vula u ku, ‘Swidyoho swa wena swi rivaleriwile,’ kumbe i ku vula u ku, ‘Pfuka u famba’? 24 Kambe ku endlela leswaku mi swi tiva leswaku N’wana wa munhu u ni matimba yo rivalela swidyoho emisaveni,” a byela munhu loyi a omeke swirho a ku: “Ndzi ri eka wena, Pfuka, teka sangu ra wena, u muka.”+ 25 Hiloko a pfuka va n’wi langutile, a teka sangu rakwe a muka a ri karhi a dzunisa Xikwembu. 26 Kutani vanhu hinkwavo va hlamala, va sungula ku dzunisa Xikwembu. Va hlamale va kala va ku: “Namuntlha hi vone swilo swo hlamarisa!”
-