47 Loko a ha vulavula, Yudasi, un’wana wa lava 12, a humelela a ri ni ntshungu lowukulu wu khome mabanga ni tinhonga, wu rhumiwe hi vaprista lavakulu ni vakulukumba va tiko.+

48 Yudasi a a va byele ndlela leyi a nga ta va komba Yesu ha yona, a ku: “Loyi ndzi nga ta n’wi tswontswa, hi yena; n’wi khomeni.” 49 Hiloko a ya eka Yesu a fika a ku: “Xewani Rabi,” kutani a n’wi tswontswa. 50 Kambe Yesu a ku eka yena: “Nandzuwe, u te hi xikongomelo xihi?”+ Kutani va tshinela va khoma Yesu va ya n’wi pfalela. 51 Kambe, un’wana wa lava a va ri na Yesu a hlomula banga a tsema ndleve ya nandza wa muprista lonkulu.+

47 Loko a ha vulavula, hiloko ku humelela ntshungu lowu a wu rhangeriwe hi Yudasi, un’wana wa lava 12, kutani a ya eka Yesu a fika a n’wi tswontswa.+ 48 Kambe Yesu a ku eka yena: “Yudasi, xana u xavisa N’wana wa munhu hi ku n’wi tswontswa?” 49 Loko lava a va ri na Yesu va vona leswi a swi ta endleka, va ku: “Hosi, xana hi nga va hlasela hi banga?” 50 Un’wana wa vadyondzisiwa a tsema ndleve ya xinene ya nandza wa muprista lonkulu.+ 51 Kambe Yesu a ku: “Mi nga swi endli sweswo.” Hiloko a khumba ndleve ya nandza a yi horisa.

3 Hiloko Yudasi a ta ni masocha ni tindhuna ta vaprista lavakulu ni ta Vafarisi, va khome swisana, timboni ni matlhari.+