Watchtower LAYIBURARI YA LE KA WEB SITE

Watchtower LAYIBURARI YA LE KA WEB SITE

LAYIBURARI YA LE KA WEB SITE

Esaya 61:1

Bibele—Matsalwa Yo Kwetsima Ya Misava Leyintshwa
- 61 Moya wa Yehovha Hosi Leyi Tlakukeke wu le ka mina,+
  Hikuva Yehovha u ndzi hlawule ku twarisa mahungu lamanene eka lavo rhula.+
  
  U ndzi rhume leswaku ndzi horisa lava vavisekeke mbilu,
  Ndzi byela mahlonga leswaku ma ta tshunxiwa
  Ni leswaku matihlo ya vabohiwa ma ta pfuriwa,+

Matewu 9:12, 13

Bibele—Matsalwa Yo Kwetsima Ya Misava Leyintshwa
- 12 Loko a twa leswi a va swi vula, a ku: “Vanhu lava hanyeke kahle a va lavi dokodela,* kambe u laviwa hi lava vabyaka.+ 13 Kutani, fambani mi ya dyondza nhlamuselo ya marito lawa: ‘Ndzi lava tintswalo, ku nga ri gandzelo.’+ Hikuva ndzi tele ku ta vitana vadyohi, ku nga ri vanhu lava lulameke.”

Luka 5:31, 32

Bibele—Matsalwa Yo Kwetsima Ya Misava Leyintshwa
- 31 Yesu a ku eka vona: “Vanhu lava hanyeke kahle a va lavi dokodela,* kambe u laviwa hi lava vabyaka.+ 32 Ndzi tele ku ta vitana vadyohi leswaku va hundzuka, ku nga ri vanhu lava lulameke.”+

Luka 19:10

Bibele—Matsalwa Yo Kwetsima Ya Misava Leyintshwa
- 10 Hikuva N’wana wa munhu u tele ku ta lava ni ku ponisa lava lahlekeke.”+

1 Timotiya 1:15

Bibele—Matsalwa Yo Kwetsima Ya Misava Leyintshwa
- 15 Mhaka leyi ya tshembeka naswona yi fanele yi amukeriwa hilaha ku heleleke: Kreste Yesu u tile emisaveni a ta ponisa vadyohi.+ Mina ndzi mudyohi lonkulu.+