16 Nimadyambu, vanhu va n’wi tisela vanhu vo tala lava nga ni madimona; a ma hlongola hi rito, a tlhela a hanyisa ni hinkwavo lava a va xaniseka, 17 leswaku ku hetiseka leswi vuriweke hi muprofeta Esaya, loyi a nga te: “Yena u rhwale mavabyi ni switlhavi swa hina.”+

32 Loko ri perile, vanhu va n’wi tisela vanhu hinkwavo lava vabyaka ni lava nga ni madimona;+ 33 naswona vanhu hinkwavo va le mutini va hlengeletana enyangweni ya yindlu. 34 Kutani a hanyisa vanhu vo tala lava a va khomiwe hi mavabyi yo hambanahambana,+ a tlhela a hlongola madimona yo tala, kambe a a nga ma pfumeleli madimona leswaku ma vulavula, hikuva a ma n’wi tiva leswaku i Kreste.*