14 Loko va fika ekusuhi ni ntshungu,+ wanuna un’wana a n’wi tshinelela, a fika a khinsama emahlweni ka yena a ku: 15 “Hosi, twela n’wana wa mina vusiwana hikuva u ni switshetshela naswona wa vabya swinene. U tala ku wela endzilweni ni le matini.+ 16 Ndzi n’wi yise eka vadyondzisiwa va wena kambe va tsandzekile ku n’wi hanyisa.”

17 Munhu un’wana exikarhi ka ntshungu a ku: “Mudyondzisi, ndzi tise n’wana wa mina eka wena hikuva u ni dimona leri n’wi endlaka mbheveve.+ 18 Loko ri n’wi nghena ri n’wi lahlela ehansi, a tlhutlha khuvi, a luma ni matino, a heleriwa hi matimba. Ndzi kombele vadyondzisiwa va wena leswaku va ri hlongola kambe va tsandzekile.”