21 “Khombo eka wena Korazini! Khombo eka wena Betsayida, hikuva loko masingita lama endliweke eka n’wina a ma endliwe eTiri ni le Sidoni, vanhu va kona a va ta va va hundzuke khale swinene va ambale swiambalo swo khwaxa va tshame enkumeni.+ 22 Kambe ndzi ri eka n’wina, mi ta xupuriwa swinene hi Siku ra Vuavanyisi ku tlula miti ya Tiri na Sidoni.+ 23 Na wena Kapernawume,+ xana u ta tlakuseriwa etilweni? U ta ya eSirheni;*+ hikuva loko masingita lama endlekeke eka wena a ma endleke etikweni ra Sodoma, a ri ta va ra ha ri kona ninamuntlha.