14 Kutani un’wana wa lava 12, loyi a vuriwaka Yudasi Iskariyota,+ a ya eka vaprista lavakulu+ 15 a fika a ku: “Xana mi ta ndzi nyika yini loko ndzo mi pfuna leswaku mi n’wi khoma?”+ Hiloko va n’wi tshembisa swiphemu swa 30 swa mali ya silivhere.+ 16 Ku sukela siku rero, a a tshamela ku lava ndlela yo n’wi xavisa.

10 Kutani Yudasi Iskariyota un’wana wa lava 12, a ya eka vaprista lavakulu leswaku a ya n’wi xavisa eka vona.+ 11 Loko va twa sweswo, va tsaka naswona va n’wi tshembisa ku n’wi nyika mali ya silivhere.+ Hiloko a sungula ku lava ndlela yo n’wi xavisa.

70 Yesu a va hlamula a ku: “Xana a hi mina ndzi nga hlawula n’wina va 12?+ Kambe un’wana wa n’wina u ta ndzi xenga.”*+

2 A va ri karhi va dya swakudya swa nimadyambu naswona Diyavulosi se a a kucetele Yudasi Iskariyota,+ n’wana wa Simoni, leswaku a n’wi xavisa.+

27 Endzhaku ka loko Yudasi a xi tekile, Sathana a n’wi kucetela.+ Kutani Yesu a byela Yudasi a ku: “Hatla u endla leswi u lavaka ku swi endla.”

16 “Vavanuna, vamakwerhu, a swi fanela leswaku tsalwa ri hetiseka, leri moya lowo kwetsima wu profeteke hi ku tirhisa Davhida leswaku a vulavula leswi khumbaka Yudasi,+ loyi a rhangeleke lava khomeke Yesu.+ 17 Hikuva a a ri un’wana wa hina+ naswona a a hlawuriwe leswaku a endla ntirho lowu na hina.