29 Tsundzukani leswaku Yehovha u mi nyike Savata.+ Hi yona mhaka leyi hi siku ra vutsevu a mi nyikaka xinkwa xa masiku mambirhi. Un’wana ni un’wana u fanele a tshama laha a nga kona; ku nga vi na munhu loyi a sukaka endhawini yakwe hi siku ra vunkombo.”

9 Mi fanele ku endla mitirho ya n’wina hinkwayo hi masiku ya tsevu,+ 10 kambe siku ra vunkombo ri ta va savata ya Yehovha Xikwembu xa n’wina. Mi nga tshuki mi endla ntirho wo karhi, n’wina kumbe n’wana wa n’wina wa jaha kumbe wa nhwanyana kumbe hlonga ra n’wina ra xinuna kumbe ra xisati kumbe xifuwo xa n’wina kumbe muluveri loyi mi tshamaka na yena.+

15 Ntirho wu nga endliwa hi masiku ya tsevu, kambe hi siku ra vunkombo i savata, ku nga siku ro hlawuleka ro wisa.+ I nchumu wo kwetsima eka Yehovha. Loyi a tirhaka hi siku ra Savata u fanele a dlayiwa.

12 “‘Hlayisa siku ra Savata u ri teka ri kwetsima, hilaha Yehovha Xikwembu xa wena a ku leriseke hakona.+