Tipisalema
Eka mufambisi; hi mayimbelelelo ya risimu leri nge, “U Nga Lovisi.” Miktami* ya Davhida. Loko Sawulo a rhumela vavanuna leswaku va ya rindza yindlu ya Davhida leswaku va ta n’wi dlaya.+
2 Ndzi ponise eka lava endlaka swo biha,
Ndzi ponise eka vanhu va madzolonga.
3 Waswivo! Va ndzi tumbelela;+
Ndzi hlaseriwa hi switetemba
Ku nga ri hi leswi ndzi xandzukeke kumbe ndzi dyoheke,+ Yehovha.
4 Hambileswi ndzi nga dyohangiki nchumu, va tsutsuma va lunghekela ku hlasela.
Loko ndzi ku vitana, tana u ta vona.
5 Hikuva Yehovha Xikwembu xa mavuthu, u Xikwembu xa Israyele.+
Pfuka u kambela matiko hinkwawo.
U nga va tweli vusiwana vaxengi lava nga ni tihanyi.+ (Selah)
7 Vona leswi humaka emilon’wini ya vona;
Milomu ya vona yi fana ni mabanga,+
Hikuva va ri: “I mani la yingiselaka?”+
9 Ntamu wa mina, ndzi ta tshama ndzi ku rindzile;+
Hikuva Xikwembu i vutumbelo bya mina lebyi hlayisekeke.+
10 Xikwembu lexi ndzi rhandzaka xi ta ndzi pfuna;+
Xikwembu xi ta endla leswaku ndzi vona valala va mina loko va hluriwa.+
11 U nga va dlayi, leswaku vanhu va mina va nga rivali.
Va tsendzelekise hi matimba ya wena;
Endla leswaku va wa, Yehovha xitlhangu xa hina.+
12 Onge va nga phasiwa hi manyunyu ya vona,+
Hikwalaho ka xidyoho xa nomu wa vona ni rito ra milomu ya vona,
Hikwalaho ka nhlambha ni mavunwa ya vona.
13 Va herise hi vukarhi bya wena;+
Va herise, leswaku va nga ha vi kona;
Va endle va tiva leswaku Xikwembu xi fuma Yakobo ni misava hinkwayo.+ (Selah)
16 Kambe loko ku ri mina, ndzi ta yimbelela mayelana ni matimba ya wena;+
Nimixo ndzi ta vulavula ndzi tsakile hi rirhandzu ra wena.