113 Dzunisani Yehovha!
N’wi dzuniseni, n’wina malandza ya Yehovha,
Dzunisani vito ra Yehovha.
2 Vito ra Yehovha a ri dzunisiwe
Ku sukela sweswi ni hilaha ku nga heriki.+
3 Vito ra Yehovha a ri dzunisiwe,
Ku suka evuxeni ku ya evupeladyambu.+
4 Yehovha u tlakukile eka matiko hinkwawo;+
Ku vangama ka yena ku tlakuke ku tlula matilo.+
5 I mani la fanaka na Yehovha Xikwembu xa hina,+
Yena la tshamaka ehenhla?
6 Wa korhama a languta etilweni ni le misaveni,+
7 A pfuxa loyi a pfumalaka entshurini.
A susa xisiwana etaleni+
8 Leswaku a xi tshamisa ni swifumi,
Ni vanhu vakwe va xiyimo xa le henhla.
9 U nyika wansati la nga mhika ndyangu
A va manana la tsakeke la nga ni vana.+
Dzunisani Yehovha!