Tikronika Ta Vumbirhi

36 Hiloko vanhu va tiko va teka Yowohazi+ n’wana wa Yosiya va n’wi veka ku va hosi eYerusalema a siva tata wakwe.+ 2 Yowohazi a a ri ni malembe ya 23 loko a va hosi naswona u fume tin’hweti tinharhu eYerusalema. 3 Hambiswiritano, hosi ya Egipta yi n’wi susa eYerusalema, yi hakerisa tiko titalenta* ta silivhere ta 100 ni talenta ya nsuku.+ 4 Ku tlula kwalaho, hosi ya Egipta yi tlhela yi endla Eliyakimi makwavo wa Yowohazi a va hosi ya Yuda na Yerusalema, kutani yi cinca vito rakwe ri va Yoyakimi; kambe Neko+ a teka Yowohazi makwavo a n’wi yisa eEgipta.+

5 Yoyakimi+ a a ri ni malembe ya 25 loko a va hosi naswona u fume malembe ya 11 eYerusalema. U ye emahlweni a endla swo biha emahlweni ka Yehovha Xikwembu xakwe.+ 6 Hosi Nebukadnetsara+ wa Babilona a ya eka Yoyakimi kutani a fika a n’wi boha hi tinketana timbirhi ta koporo a n’wi yisa eBabilona.+ 7 Nebukadnetsara a teka swibya swin’wana endlwini ya Yehovha a swi yisa eBabilona, kutani a swi veka endlwini yakwe eBabilona.+ 8 Loko ku ri matimu ya Yoyakimi hinkwawo, swilo swo nyenyetsa leswi a swi endleke ni swilo swo biha, swi tsariwile eBukwini ya Tihosi ta Israyele ni ta Yuda; hiloko Yoyakini n’wana wakwe a va hosi.+

9 Yoyakini+ a a ri ni malembe ya 18 loko a va hosi naswona u fume tin’hweti tinharhu ni masiku ya khume eYerusalema; a ya emahlweni a endla swo biha emahlweni ka Yehovha.+ 10 Eku sunguleni ka lembe,* Hosi Nebukadnetsara a rhumela vanhu leswaku va tisa Yoyakini eBabilona+ ku katsa ni swilo swa nkoka leswi nga endlwini ya Yehovha.+ U endle Sedekiyasi makwavo wa tata wakwe hosi ya Yuda na Yerusalema.+

11 Sedekiyasi+ a a ri ni malembe ya 21 loko a va hosi naswona u fume malembe ya 11 eYerusalema.+ 12 U ye emahlweni a endla swo biha emahlweni ka Yehovha Xikwembu xakwe. A nga titsongahatanga eka muprofeta Yeremiya+ hilaha Yehovha a leriseke hakona. 13 U tlhele a xandzukela Hosi Nebukadnetsara,+ loyi a n’wi hlambanyiseke hi vito ra Xikwembu naswona u ye emahlweni a tiomisa nhloko a tlhela a sihalala a ala ku tirhela Yehovha Xikwembu xa Israyele. 14 Tindhuna hinkwato ta vaprista ku katsa ni vanhu a va homboloke ngopfu, a va endla swilo hinkwaswo swo nyenyetsa leswi endliwaka hi matiko naswona va nyamise yindlu ya Yehovha+ leyi a a yi hlawulekisile eYerusalema.

15 Yehovha Xikwembu xa vakokwa wa vona a a tshamela ku va lemukisa hi ku tirhisa malandza yakwe, a va lemukisa hi ku phindhaphindha hikwalaho ka leswi a a twela vanhu vakwe vusiwana ku katsa ni tempele yakwe. 16 Kambe va ye emahlweni va hlekula malandza ya Xikwembu xa ntiyiso,+ va nga ma yingisi marito yakwe+ ni ku rhukana vaprofeta vakwe+ kukondza Yehovha a va hlundzukela+ lerova swi va erivaleni leswaku a va nga ha tshunguleki.

17 U endle leswaku hosi ya Vakalidiya+ yi va hlasela, yi fika yi dlaya majaha ya vona hi banga+ etempeleni leyi va tiendleleke yona;+ a yi vanga ni ntwelavusiwana eka jaha kumbe nhwana, lonkulu kumbe loyi a vabyaka.+ Xikwembu xi endle leswaku yi herisa swilo hinkwaswo.+ 18 Swibya hinkwaswo swa yindlu ya Xikwembu xa ntiyiso, leswikulu ni leswitsongo, ku katsa ni xuma lexi nga endlwini ya Yehovha ni xuma xa hosi ni tihosana ta yona, hinkwaswo yi swi yisa eBabilona.+ 19 Yi hisa yindlu ya Xikwembu xa ntiyiso,+ yi mbundzumuxa khumbi ra le Yerusalema,+ yi hisa swihondzo swa wona hinkwaswo leswi biyeriweke kutani yi onhetela swilo hinkwaswo swa nkoka.+ 20 Yi teka lava poneke ku dlayiwa hi banga yi va yisa evuhlongeni eBabilona,+ va va mahlonga ya yona+ ni ya vana va yona, kukondza mfumo wa Peresiya wu sungula ku fuma,+ 21 leswaku ku hetiseka marito lawa Yehovha a ma vuleke hi ku tirhisa Yeremiya,+ tiko ri tshame ri ri rhumbi kukondza ri wisa eka tisavata hinkwato leti ri nga wisangiki hi tona.+ Hi nkarhi lowu tiko a ri ri rhumbi, ri wisile kukondza ku hela malembe ya 70.+

22 Hi lembe ro sungula ra ku fuma ka Hosi Korexe+ wa le Peresiya, Yehovha u nyike Hosi Korexe wa le Peresiya miehleketo yo endla leswi Yehovha a swi vuleke hi ku tirhisa Yeremiya+ leswaku a tivisa hinkwavo emfun’weni wakwe ni ku tlhela a tsala+ a ku: 23 “Hosi Korexe wa le Peresiya u ri, ‘Yehovha Xikwembu xa matilo u ndzi nyike mifumo hinkwayo ya misava+ naswona u ndzi lerise leswaku ndzi n’wi akela yindlu eYerusalema, etikweni ra Yuda.+ Un’wana ni un’wana exikarhi ka n’wina vanhu vakwe hinkwenu, Yehovha Xikwembu xakwe a a ve na yena, a a fambe.’”+