Tipisalema
Eka mufambisi. Miloti ya Davhida.
31 Yehovha Xikwembu xanga, ndzi tumbele eka wena.+
Onge ndzi nga tshama ndzi nga khomisiwi tingana.+
Ndzi ponise hikwalaho ka ku lulama ka wena.+
2 Korhama u ndzi yingisa.
Hatlisa u ta ndzi ponisa.+
Vana ntshava leyi ndzi nga ta tumbela eka yona,
Ndhawu leyi sirhelelekeke leyi nga ta ndzi ponisa.+
3 Hikuva u ribye ra mina ni khokholo ra mina;+
U ta ndzi rhangela u ndzi kongomisa+ hikwalaho ka vito ra wena.+
5 Ndzi veka moya wa mina evokweni ra wena.+
U ndzi ponisile, Yehovha Xikwembu xa ntiyiso.*+
6 Ndzi venga lava gandzelaka swifaniso leswi nga pfuniki nchumu,
Kambe loko ku ri mina, ndzi tshemba Yehovha.
7 Ndzi ta tsaka swinene hikwalaho ka rirhandzu ra wena,
Hikuva u vone ku xaniseka ka mina;+
Wa ma tiva maxangu ya mina.
8 A wu ndzi nyiketanga eka nala.
Kambe u endle leswaku ndzi yima endhawini leyi sirhelelekeke.*
9 Yehovha Xikwembu xanga, ndzi twele vusiwana hikuva ndzi le khombyeni.
Matihlo ya mina ni miri wa mina hinkwawo swi tsanile+ hikwalaho ka maxangu.+
Xidyoho xa mina xi ndzi heta matimba;
Marhambu ya mina ma tsanile.+
Vanghana va mina va ndzi chava;
Loko va ndzi vona va ndzi baleka.+
12 Va ndzi humesile etimbilwini* ta vona, va ndzi rivala onge hiloko ndzi file;
Ndzi fana ni khuwana leri fayekeke.
Loko va hlangana
Va boha makungu yo ndzi dlaya.+
14 Kambe ndzi tshemba wena Yehovha.+
Ndzi ri: “U Xikwembu xa mina.”+
15 Masiku ya mina ma le vokweni ra wena.
Ndzi ponise eka valala va mina ni le ka lava ndzi xanisaka.+
16 Komba nandza wa wena musa.+
Ndzi ponise hi rirhandzu ra wena.
17 Yehovha, u nga pfumeli ndzi khomiwa hi tingana loko ndzi ku vitana.+
18 Milomu leyi hembaka yi nga ha vulavuli,+
Milomu leyi titlakusaka ni ku delela, leyi lwaka ni lowo lulama.
19 Vunene bya wena byi tele swinene,+
U byi vekele lava ku chavaka,+
Naswona u byi kombe vanhu hinkwavo hikwalaho ka lava tumbelaka eka wena.+
20 U ta va fihla endhawini ya wena leyi tumbeleke+
Eka makungu ya vanhu;
U ta va tumbeta endhawini ya wena
Eka vanhu lava va lumbetaka.+
21 Yehovha a a dzunisiwe,
Hikuva u ndzi kombe rirhandzu ro hlamarisa+ loko ndzi ri emutini lowu rhendzeriweke.+
22 Loko ku ri mina ndzi chuhile hiloko ndzi ku:
“Ndzi ta lovisiwa emahlweni ka wena.”+
Kambe u twe xirilo xa mina xo kombela mpfuno.+