Tikronika To Sungula

26 Mitlawa ya varindzi va tigede+ a yi yime hi ndlela leyi: Eka vana va Kora, Mexelemiya+ n’wana wa Kore wa vana va Asafa. 2 Vana va Mexelemiya hi lava: mativula a ku ri Zakariya, wa vumbirhi ku va Yediyayele, wa vunharhu ku va Zebadiya, wa vumune ku va Yataniyele, 3 wa vuntlhanu ku va Elami, wa vutsevu ku va Yehohanani wa vunkombo ku va Eliyeho-enayi. 4 Vana va Obede-edomu hi lava: mativula a ku ri Xemaya, wa vumbirhi ku va Yohozabadi, wa vunharhu ku va Yowa, wa vumune ku va Sakara, wa vuntlhanu ku va Nethanele, 5 wa vutsevu ku va Amiyele, wa vunkombo ku va Isakara, wa vunhungu ku va Pewuletayi; hikuva Xikwembu a xi n’wi katekisile.

6 Naswona Xemaya n’wana wakwe a velekeriwa vana lava a va ri tindhuna ta mindyangu ya vona, hikuva a va ri tinhenha leti nga ni vuswikoti. 7 Vana va Xemaya hi lava: Otini, Refayele, Obede, Elizabada; naswona vamakwavo ku nga Elihu na Semakiya na vona a va ri vavanuna lava nga ni vuswikoti. 8 Vavanuna lava hinkwavo a va ri vana va Obede-edomu. Vona ni vana va vona ku katsa ni vamakwavo a va ri vavanuna lava nga ni vuswikoti naswona a va wu fanelekela ntirho, a va ri 62 naswona a va ri vana va Obede-edomu. 9 Mexelemiya+ a a ri ni vana ni vamakwavo ku nga vavanuna va 18 lava a va ri ni vuswikoti. 10 Hosa n’wana wa Merari na yena a a ri ni vana. Ximri a a ri ndhuna naswona hambileswi a a nga ri mativula, a hlawuriwe hi tata wakwe ku va ndhuna, 11 wa vumbirhi a ku ri Hilkiya, wa vunharhu ku va Tebaliya kasi wa vumune a ku ri Zakariya. Vana hinkwavo ni vamakwavo va Hosa a va ri 13.

12 Eka mitlawa leyi ya varindzi va tigede, tindhuna a ti ri ni mitirho leyi fanaka ni leyi endliwaka hi vamakwavo leswaku va tirha endlwini ya Yehovha. 13 Hiloko va hoxa vuhlolotwana,*+ lavatsongo ni lavakulu hi ku ya hi mindyangu ya vona, bya gede yin’wana ni yin’wana. 14 Vuhlolotwana* bya le vuxeni byi kombe Xelemiya. Eka Zakariya n’wana wakwe, mutsundzuxi wo tlhariha, vuhlolotwana byi kombe en’walungwini. 15 Obede-edomu byi n’wi kombe edzongeni, kasi vana vakwe+ va averiwe ku rindza switlati.* 16 Xupimi na Hosa+ byi va kombe evupeladyambu ekusuhi ni Gede ya Xalekete endleleni leyi tlhandlukaka, ntlawa wa varindzi a wu fambisana ni ntlawa wun’wana wa varindzi; 17 evuxeni a ku ri ni Valevhi va tsevu; en’walungwini a ku ri ni mune wa vona hi siku; edzongeni a ku ri ni mune wa vona hi siku; kasi eswitlatini*+ a va ri vambirhimbirhi; 18 erikupakupeni* ku ya evupeladyambu endleleni leyikulu a va ri mune,+ kasi erikupakupeni a va ri vambirhi. 19 Leyi a ku ri mitlawa ya varindzi va tigede ya vana va Kora ni vana va Merari.

20 Eka Valevhi, Ahiya a a ri mulanguteri wa xuma lexi nga endlwini ya Xikwembu xa ntiyiso ni hinkwaswo leswi nyikeriweke eka Xikwembu.+ 21 Eka vana va Ladani: vana va Vagerixoni lava nga va Ladani, tindhuna ta mindyangu ya Ladani wa Mugerixoni, a ku ri na Yehiyeli,+ 22 ni vana va Yehiyeli, Zetamu ni makwavo Yuwele. A va ri valanguteri va xuma lexi nga endlwini ya Yehovha.+ 23 Eka va ka Amirama, va ka Izihara, va ka Hebroni ni va ka Uziyele,+ 24 Xebuwele n’wana wa Gerixomu n’wana wa Muxe a a ri mulanguteri wa switlati.* 25 Loko ku ri vamakwavo, eka Eliyezere+ a ku ri na Rehabiya+ n’wana wakwe, Yexaya n’wana wakwe, Yoramu n’wana wakwe, Zikiri n’wana wakwe na Xelomoto n’wana wakwe. 26 Xelomoto loyi ni vamakwavo a va ri valanguteri va xuma hinkwaxo lexi nyikeriweke eka Xikwembu,+ lexi nyikeriweke hi Hosi Davhida,+ tindhuna ta mindyangu,+ tindhuna ta vanhu va magidi, tindhuna ta vanhu va madzana ku katsa ni tindhuna ta masocha. 27 Leswi va nyikeleke ha swona eka Xikwembu a swi huma eka leswi va swi phangeke+ loko va lwa tinyimpi,+ a swi nyikeriwa leswaku va hlayisa yindlu ya Yehovha; 28 ni hinkwaswo leswi Samuwele muvoni wa swivono,+ Sawulo n’wana wa Kixi, Abinere+ n’wana wa Nere na Yowabu+ n’wana wa Seruya+ va swi nyikeleke eka Xikwembu. Xin’wana ni xin’wana lexi a xi nyikeriwa a xi hlayisiwa hi Xelomiti ni vamakwavo.

29 Eka va ka Izihara,+ Kenaniya ni vana vakwe a va nyikiwe ntirho ehandle ka yindlu ya Xikwembu, a va ri tindhuna ni vaavanyisi+ eIsrayele.

30 Eka va ka Hebroni,+ Haxabiya ni vamakwavo ku nga vavanuna lava nga ni vuswikoti va 1 700, a va ri vakongomisi va Israyele exifundzheni lexi nga le vupeladyambu bya Yordani, a va endla ntirho hinkwawo wa Yehovha ni wa hosi. 31 Eka va ka Hebroni, Yeriya+ a a ri ndhuna ya vona hi ku landza mindyangu ya vatata wa vona. Hi lembe ra vu-40 ra ku fuma ka Davhida+ ku laviwe vavanuna lava nga tinhenha leti nga ni vuswikoti naswona va kumeke eYazere+ eGiliyadi. 32 Vamakwavo ku nga vavanuna lava nga ni vuswikoti, tindhuna ta mindyangu, a va ri 2 700. Hiloko Hosi Davhida a va endla tindhuna ta va ka Rhuveni, va ka Gadi ni hafu ya nyimba ya Manase, leswaku va endla mitirho leyi khumbaka timhaka ta Xikwembu xa ntiyiso ni ya hosi.