Tikronika Ta Vumbirhi

29 Hezekiya+ u ve hosi loko a ri ni malembe ya 25 naswona u fume malembe ya 29 eYerusalema. Vito ra mana wakwe a ku ri Abiya n’wana wa Zakariya.+ 2 U ye emahlweni a endla leswinene emahlweni ka Yehovha,+ hilaha Davhida kokwa wakwe a endleke hakona.+ 3 Hi lembe ro sungula ra ku fuma kakwe, hi n’hweti yo sungula, a pfula tinyangwa ta yindlu ya Yehovha kutani a sungula ku ti lunghisa.+ 4 Hiloko a vitana vaprista ni Valevhi a va hlengeleta erivaleni leri nga etlhelo ra le vuxeni. 5 A ku eka vona: “Ndzi yingiseni n’wina Valevhi. Tibasiseni+ mi basisa ni yindlu ya Yehovha Xikwembu xa vakokwa wa n’wina, mi humesa hinkwaswo leswi nga basangiki endhawini yo kwetsima.+ 6 Hikuva vatata wa hina a va nga tshembekanga naswona va endle swo biha emahlweni ka Yehovha Xikwembu xa hina.+ Va n’wi tshikile va tlhela va fularhela ni tabernakela ya Yehovha va n’wi jikela.+ 7 Va tlhele va pfala tinyangwa ta rikupakupa*+ ra tempele va tima ni timboni.+ Va tshike ku hisa mirhi yo nun’hwela+ ni ku endlela Xikwembu xa Israyele magandzelo yo hisiwa+ endhawini yo kwetsima. 8 Hikwalaho, Yehovha a hlundzukela Yuda na Yerusalema,+ lerova va hundzuka nchumu lowu chavisaka ni nchumu lowu hlamarisaka evanhwini, nchumu lowu beriwaka noti, hilaha mi swi vonaka hi matihlo ya n’wina.+ 9 Maswivo, vakokwa wa hina va dlayiwe hi banga+ naswona vana va hina va majaha, vana va hina va vanhwanyana ni vasati va hina va ye evuhlongeni hikwalaho ka leswi.+ 10 Sweswi ndzi lava ku endla ntwanano na Yehovha Xikwembu xa Israyele+ leswaku vukarhi bya yena byi ta suka eka hina. 11 Vana vanga, sweswi a hi nkarhi wo khondla mavoko, hikuva Yehovha u hlawule n’wina leswaku mi yima emahlweni ka yena mi n’wi tirhela+ ni ku n’wi endlela magandzelo yo hisiwa.”+

12 Hiloko Valevhi va suka va yima: Mahata n’wana wa Amasayi na Yuwele n’wana wa Azariya wa Vakohata;+ eka vana va Merari,+ Kixi n’wana wa Abidi na Azariya n’wana wa Yehaleli; eka Vagerixoni,+ Yowa n’wana wa Zima na Edeni n’wana wa Yowa; 13 eka vana va Elizafani, Ximri na Yewele; eka vana va Asafa,+ Zakariya na Mataniya; 14 eka vana va Hemani,+ Yehiyele na Ximeyi; eka vana va Yedutani,+ Xemaya na Uziyele. 15 Hiloko va hlengeleta vamakwavo ivi va tibasisa kutani va ya basisa ni yindlu ya Yehovha hilaha hosi yi vuleke hakona hi ku landza marito ya Yehovha.+ 16 Kutani vaprista va nghena endlwini ya Yehovha va yi basisa ni ku humesa thyaka hinkwaro leri va ri kumeke etempeleni ya Yehovha, va ri yisa exivaveni*+ xa yindlu ya Yehovha. Hiloko Valevhi va teka thyaka rero va ya ri lahla eNkoveni wa Kedroni.+ 17 Kutani va sungula ku tengisa tempele hi siku ro sungula ra n’hweti yo sungula, hi siku ra vunhungu ra n’hweti va fika erikupakupeni* ra tempele ya Yehovha.+ Va tengise yindlu ya Yehovha ku ringana masiku ya nhungu kutani hi siku ra vu-16 ra n’hweti yo sungula va heta.

18 Endzhaku ka sweswo va ya eka Hosi Hezekiya va fika va ku: “Hi basise yindlu ya Yehovha hinkwayo, altari ya magandzelo yo hisiwa+ ni swibya+ swa yona hinkwaswo ni tafula ra swinkwa swo hlawuleka*+ ni swibya swa rona hinkwaswo. 19 Ni swibya hinkwaswo leswi Hosi Akazi a swi suseke hi nkarhi wa ku fuma kakwe loko a tshika ku tirhela Xikwembu,+ hi swi lulamisile ni ku swi tengisa+ hi swi veka emahlweni ka altari ya Yehovha.”

20 Hosi Hezekiya a pfuka nimpundzu swinene a hlengeleta tihosana ta muti, va ya endlwini ya Yehovha. 21 Va ya ni tinkuzi ta nkombo, makhuna ya nkombo, swinyimpfana swa nkombo swa xinuna ni swiphongo swa nkombo leswaku swi va gandzelo ra xidyoho ra mfumo, ra ndhawu yo kwetsima ni ra Yuda.+ Kutani a byela vaprista, vatukulu va Aroni, leswaku va swi nyikela ehenhla ka altari ya Yehovha. 22 Kutani va tlhava tihomu,+ vaprista va teka ngati ya kona va yi n’wan’wasela ehenhla ka altari;+ endzhaku ka sweswo va tlhava makhuna va n’wan’wasela ngati ya kona ehenhla ka altari, va tlhava ni swinyimpfana swa xinuna, va n’wan’wasela ngati ya kona ehenhla ka altari. 23 Hiloko va tshineta swiphongo swa gandzelo ra xidyoho emahlweni ka hosi ni vanhu ivi va tlhandleka mavoko ya vona ehenhla ka swona. 24 Vaprista va swi tlhava va endla gandzelo ra xidyoho hi ngati ya swona ehenhla ka altari, ku kombelela tiko hinkwaro ra Israyele ku rivaleriwa, hikuva hosi yi vule leswaku gandzelo ro hisiwa ni gandzelo ra xidyoho ri fanele ri endleriwa tiko hinkwaro ra Israyele.

25 Hi nkarhi lowu fanaka, hosi a yi veke Valevhi endlwini ya Yehovha va ri ni swiphambati, switende ni tiharipa,+ hi ku landza xileriso xa Davhida+ ni xa Gadi+ muvoni wa swivono swa hosi ni xa muprofeta Nathani,+ hikuva xileriso a xi huma eka Yehovha hi ku tirhisa vaprofeta vakwe. 26 Valevhi a va yimile va khome swichayachayana swa Davhida, kasi vaprista a va khome timhalamhala.+

27 Hiloko Hezekiya a lerisa leswaku ku endliwa gandzelo ro hisiwa ealtarini.+ Hi nkarhi lowu a ku endliwa gandzelo ro hisiwa, ku sungule risimu ra Yehovha ni timhalamhala, hi ku landza swiletelo swa swichayachayana swa Hosi Davhida wa Israyele. 28 Vanhu hinkwavo va khinsama loko risimu ri ri karhi ri yimbeleriwa ni timhalamhala ti chayiwa—hinkwaswo leswi swi ye emahlweni kukondza gandzelo ro hisiwa ri hela. 29 Loko va heta ku endla gandzelo, hosi ni hinkwavo lava a va ri na yona va khinsama mimombo ya vona yi languta ehansi. 30 Hosi Hezekiya ni tihosana va byela Valevhi leswaku va dzunisa Yehovha hi marito ya Davhida+ na Asafa+ muvoni wa swivono. Hiloko va yimbelela va tsakile swinene, va khinsama mimombo ya vona yi languta ehansi.

31 Hiloko Hezekiya a ku: “Leswi se mi hlawuriweke ku va vanhu va Yehovha, tanani mi ta endla magandzelo ni magandzelo yo khensa endlwini ya Yehovha.” Kutani vanhu va sungula ku tisa swifuwo swo endla magandzelo ni swa magandzelo yo khensa, kasi lava a va swi tsakela va tise ni swifuwo swa magandzelo yo hisiwa.+ 32 Swifuwo swa magandzelo yo hisiwa leswi tisiweke a ku ri tihomu ta 70, makhuna ya 100, swinyimpfana swa xinuna swa 200, hinkwaswo leswi a swi ta va swa magandzelo yo hiseriwa Yehovha,+ 33 kasi swa magandzelo yo kwetsima, a ku ri ni tihomu ta 600 ni tinyimpfu ta 3 000. 34 Kambe vaprista a va ri vatsongo lerova a va nga swi koti ku yevula swiharhi swa magandzelo yo hisiwa hinkwaswo, hiloko vamakwavo ku nga Valevhi va va pfuna+ kukondza ntirho hinkwawo wu hela ni vaprista va heta ni ku tibasisa,+ hikuva Valevhi a va rhandza ku tibasisa swinene ku tlula vaprista. 35 Nakambe a ku ri ni swifuwo swa magandzelo yo hisiwa+ swo tala ni mafurha ya magandzelo yo kombela ku rhula+ ni magandzelo ya swakunwa lawa a ma ri ya magandzelo yo hisiwa.+ Hi ndlela yoleyo ntirho wu sunguriwe hi vuntshwa endlwini ya Yehovha. 36 Hiloko Hezekiya ni vanhu hinkwavo va tsaka hikwalaho ka leswi Xikwembu xa ntiyiso xi va endleleke swona,+ hikuva hinkwaswo swi endleke hi xinkarhana.