Tikronika To Sungula
15 Kutani a ya emahlweni a tiakela tiyindlu eMutini wa Davhida, a lulamisa ndhawu ya Areka ya Xikwembu xa ntiyiso a tlhela a dzima ni tende ra yona.+ 2 A ku ri hi wona nkarhi lowu Davhida a nga te: “A nga kona loyi a faneleke a rhwala Areka ya Xikwembu xa ntiyiso handle ka Valevhi, hikuva hi vona lava Yehovha a va hlawuleke leswaku va rhwala Areka ya Yehovha ni ku n’wi tirhela hilaha ku nga heriki.”+ 3 Kutani Davhida a hlengeleta tiko hinkwaro ra Israyele eYerusalema leswaku va tisa Areka ya Yehovha endhawini leyi a yi lunghiseleleke yona.+
4 Davhida a hlengeleta vatukulu va Aroni+ ni Valevhi:+ 5 eka Vakohata, Uriyele loyi a a ri ndhuna ni vamakwavo lava a va ri 120; 6 eka Vamerari, Asaya+ loyi a a ri ndhuna ni vamakwavo lava a va ri 220; 7 eka Vagerixomu, Yuwele+ loyi a a ri ndhuna ni vamakwavo lava a va ri 130; 8 eka vatukulu va Elizafani,+ Xemaya loyi a a ri ndhuna ni vamakwavo lava a va ri 200; 9 eka vatukulu va Hebroni, Eliyele loyi a a ri ndhuna ni vamakwavo lava a va ri 80; 10 eka vatukulu va Uziyele,+ Aminadaba loyi a a ri ndhuna ni vamakwavo lava a va ri 112. 11 Ku tlula kwalaho, Davhida a vitana muprista Sadoki+ na muprista Abiyatara,+ Uriyele, Asaya, Yuwele, Xemaya, Eliyele na Aminadaba lava a va ri Valevhi, 12 a ku eka vona: “Mi tindhuna ta mindyangu ya Valevhi. Tibasiseni, n’wina ni vamakwenu, mi tisa Areka ya Yehovha Xikwembu xa Israyele endhawini leyi ndzi yi lunghiseleleke yona. 13 Leswi mi nga yi rhwalangiki eku sunguleni,+ Yehovha Xikwembu xa hina u hi hlundzukerile,+ hikuva a hi wu landzelanga nkongomiso wakwe.”+ 14 Hiloko vaprista ni Valevhi va lunghekela ku rhwala Areka ya Yehovha, Xikwembu xa Israyele.
15 Kutani Valevhi va rhwala Areka ya Xikwembu xa ntiyiso emakatleni ya vona hi tinhonga,+ hilaha Yehovha a leriseke Muxe hakona. 16 Hiloko Davhida a byela tindhuna ta Valevhi leswaku ti hlawula vamakwavo lava yimbelelaka, leswaku va ta yimbelela hi ntsako va ri karhi va chaya swichayachayana: switende, tiharipa+ ni swiphambati.+
17 Kutani Valevhi va hlawula Hemani+ n’wana wa Yuwele naswona eka vamakwavo va hlawula Asafa+ n’wana wa Berakiya naswona eka va ka Merari ku nga vamakwavo va hlawula Ethani+ n’wana wa Kuxaya. 18 A va ri ni vamakwavo lava nga eka ntlawa wa vumbirhi,+ Zakariya, Beni, Yaziyele, Xemiramoto, Yehiyele, Uni, Eliyabu, Benaya, Maseya, Matitiya, Elifelehu, Mikineya, Obede-edomu na Yeyiyele lava a va ri varindzi va tigede. 19 Vayimbeleri, Hemani,+ Asafa+ na Ethani a va fanele va chaya swiphambati swa koporo;+ 20 naswona Zakariya, Aziyele, Xemiramoto, Yehiyele, Uni, Eliyabu, Maseya na Benaya a va chaya switende leswi a swi ri ni mpfumawulo wa Alamoti;*+ 21 kasi Matitiya,+ Elifelehu, Mikineya, Obede-edomu, Yeyiyele na Azaziya a va chaya tiharipa leti a ti ri ni mpfumawulo wa Xeminiti*+ naswona a va ri vakongomisi. 22 Kenaniya+ ndhuna ya Valevhi a a langutela ku rhwariwa ka areka hikuva a a swi tiva kahle, 23 naswona Berakiya na Elkana a va rindza tinyangwa ta Areka. 24 Xebaniya, Yuxafati, Nethanele, Amasayi, Zakariya, Benaya na Eliyezere a va ri vaprista lava chayaka timhalamhala emahlweni ka Areka ya Xikwembu xa ntiyiso+ naswona Obede-edomu na Yehiya na vona a va ri varindzi va tinyangwa ta Areka.
25 Davhida ni vakulukumba va Israyele ni tindhuna ta magidi a va ri karhi va famba swin’we leswaku va landza areka ya ntwanano wa Yehovha endlwini ya Obede-edomu+ hi ntsako.+ 26 Endzhaku ka loko Xikwembu xa ntiyiso xi pfune Valevhi lava a va rhwale areka ya ntwanano wa Yehovha, va endle gandzelo hi swinkuzana swa nkombo ni makhuna ya nkombo.+ 27 Davhida a a ambale xiambalo xo pfumala mavoko xa lapi ro vevuka, ku katsa ni Valevhi hinkwavo lava a va rhwale Areka, vayimbeleri na Kenaniya loyi a a rhangela lava rhwalaka areka ni vayimbeleri; Davhida a a ambale na efodi* leyi endliweke hi lapi.+ 28 Vaisrayele hinkwavo a va tisa areka ya ntwanano wa Yehovha va ri karhi va huwelela hi ku tsaka,+ va chaya ni tinanga, va chaya timhalamhala,+ swiphambati, switende ni tiharipa.+
29 Kambe loko areka ya ntwanano wa Yehovha yi fika eMutini wa Davhida,+ Mikala+ n’wana wa Sawulo, a hlometela hi fasitere kutani a vona Hosi Davhida a ri karhi a chanchula hikwalaho ko tsaka; a sungula ku n’wi langutela ehansi embilwini yakwe.+