Tikronika To Sungula

27 Leyi i nhlayo ya Vaisrayele, tindhuna ta mindyangu, tindhuna ta vanhu va magidi, tindhuna ta vanhu va madzana+ ni tindhuna ta vona leti a ti endlela hosi+ mitirho leyi khumbaka ku ava vanhu lava a va ta, va tlhela va famba n’hweti ni n’hweti ku ringana lembe hinkwaro; ntlawa ha wun’we a wu ri ni vanhu va 24 000.

2 Yaxobuwamu+ n’wana wa Zabadiyele a a rhangela ntlawa wa n’hweti yo sungula, ntlawa wakwe a wu ri ni vanhu va 24 000. 3 Eka vana va Faresi,+ a a ri murhangeri wa tindhuna ta mitlawa leyitsongo, leti a ti averiwe ku tirha hi n’hweti yo sungula. 4 Dodayi+ wa le Ahowa+ a a ri murhangeri eka ntlawa lowu a wu averiwe ku tirha hi n’hweti ya vumbirhi, Mikiloto a a ri ndhuna, ntlawa wakwe a wu ri ni vanhu va 24 000. 5 Benaya+ n’wana wa Yoyada+ muprista lonkulu, a a ri ndhuna ya ntlawa wa vunharhu lowu a wu averiwe ku tirha hi n’hweti ya vunharhu, ntlawa wakwe a wu ri ni vanhu va 24 000. 6 Benaya loyi, a a ri un’wana wa tinhenha ta 30 a tlhela a va ndhuna ya tona, Amizabadi n’wana wakwe a a n’wi pfuna ku rhangela ntlawa wakwe. 7 Wa vumune wa n’hweti ya vumune a ku ri Asahele,+ makwavo wa Yowabu+ na n’wana wakwe Zebadiya loyi a n’wi siveke, ntlawa wakwe a wu ri ni vanhu va 24 000. 8 Ndhuna ya vuntlhanu ya n’hweti ya vuntlhanu a ku ri Xamhuti wa le Iziraha, ntlawa wakwe a wu ri ni vanhu va 24 000. 9 Wa vutsevu wa n’hweti ya vutsevu a ku ri Ira+ n’wana wa Ikexi wa le Tekowa,+ ntlawa wakwe a wu ri ni vanhu va 24 000. 10 Wa vunkombo wa n’hweti ya vunkombo a ku ri Helese+ wa Mupeloni wa va ka Efrayimi, ntlawa wakwe a wu ri ni vanhu va 24 000. 11 Wa vunhungu wa n’hweti ya vunhungu a ku ri Sibekayi+ wa le Huxa wa va ka Zara,+ ntlawa wakwe a wu ri ni vanhu va 24 000. 12 Wa vukaye wa n’hweti ya vukaye a ku ri Abi-ezere+ wa le Anathoti+ wa va ka Benjamini, ntlawa wakwe a wu ri ni vanhu va 24 000. 13 Wa vukhume wa n’hweti ya vukhume a ku ri Maharayi+ wa le Netofa wa va ka Zara,+ ntlawa wakwe a wu ri ni vanhu va 24 000. 14 Wa vu-11 wa n’hweti ya vu-11 a ku ri Benaya+ wa le Piratoni wa va ka Efrayimi, ntlawa wakwe a wu ri ni vanhu va 24 000. 15 Wa vu-12 wa n’hweti ya vu-12 a ku ri Helidayi wa le Netofa wa va ka Otiniyele, ntlawa wakwe a wu ri ni vanhu va 24 000.

16 Leti a ku ri tindhunankulu ta tinyimba ta Israyele: Eka va ka Rhuveni, Eliyezere n’wana wa Zikiri a a ri ndhunankulu; eka va ka Simiyoni, a ku ri Xefatiya n’wana wa Maka; 17 eka Levhi, a ku ri Haxabiya n’wana wa Kemuwele; eka Aroni, a ku ri Sadoki; 18 eka Yuda, a ku ri Elihu,+ un’wana wa vamakwavo va Davhida; eka Isakara, a ku ri Omri n’wana wa Mikayele; 19 eka Zebuloni, a ku ri Iximaya n’wana wa Obadiya; eka Neftali, a ku ri Yerimoto n’wana wa Aziriyele; 20 eka va ka Efrayimi, a ku ri Hoxeya n’wana wa Azaziya; eka hafu ya nyimba ya Manase, a ku ri Yuwele n’wana wa Pedaya; 21 eka hafu ya nyimba ya Manase leyi a yi ri eGiliyadi, a ku ri Ido n’wana wa Zakariya; eka Benjamini, a ku ri Yasiyele n’wana wa Abinere;+ 22 eka Dani, a ku ri Azarele n’wana wa Yerohamu. Leti a ku ri tihosana ta tinyimba ta Israyele.

23 Davhida a nga va hlayanga vanhu lava a va ri ni malembe ya 20 ku ya ehansi hikuva Yehovha a a tshembise leswaku Vaisrayele va ta tala ku fana ni tinyeleti.+ 24 Yowabu n’wana wa Seruya a a sungule ku hlaya vanhu, kambe a nga hetanga; Xikwembu xi hlundzukele Vaisrayele hikwalaho ka sweswo+ naswona nhlayo ya kona a yi katsiwanga eka timhaka ta matimu ta nkarhi wa ku fuma ka Hosi Davhida.

25 Azamavhete n’wana wa Adiyele a a khathalela xuma xa hosi.+ Yonathani n’wana wa Uziya a a ri mulanguteri wa switlati* leswi nga emasin’wini, emitini, eswimitanini ni le swihondzweni. 26 Ezri n’wana wa Kelubi a a ri mulanguteri wa lava a va tirha emasin’wini lava a va rima. 27 Ximeyi wa le Rhama a a ri mulanguteri wa masimu ya madiriva; Zabidi wa le Sifimoti a a ri mulanguteri wa ndhawu leyi vhinyo a yi hlayisiwa eka yona. 28 Bali-hanani wa le Gedere a a ri mulanguteri wa masimu ya mirhi ya mitlhwari ni mikuwa+ leyi a yi ri eXefela;+ Yowasi a a ri mulanguteri wa ndhawu leyi mafurha a ma hlayisiwa eka yona. 29 Xitrayi wa le Saroni a a ri mulanguteri wa tihomu leti a ti dya eSaroni,+ Xafati n’wana wa Adilayi a a ri mulanguteri wa tihomu leti nga enkoveni. 30 Obili wa va ka Iximayele a a ri mulanguteri wa tikamela; Yehedaya wa le Meronoti a a ri mulanguteri wa timbhongolo.* 31 Yazizi wa le Hageri a a ri mulanguteri wa ntlhambi wa tinyimpfu. Hinkwavo lava a va ri tindhuna leti a ti hlayisa nhundzu ya Hosi Davhida.

32 Yonathani+ n’wana wa buti wa Davhida a a ri mutsundzuxi, a a ri wanuna wa ku twisisa naswona a a ri matsalana, Yehiyele n’wana wa Hakimoni a a hlayisa vana va hosi.+ 33 Ahitofele+ a a ri mutsundzuxi wa hosi kasi Huxayi+ wa le Araki a a ri munghana wa yona. 34 Ahitofele u siviwe hi Yoyada n’wana wa Benaya+ na Abiyatara;+ Yowabu+ a a ri ndhuna ya vuthu ra hosi.