Tipisalema
Miloti ya Davhida ya ku khanguriwa* ka yindlu.
30 Ndzi ta ku dzunisa Yehovha, hikuva u ndzi tlakusile;
A wu pfumelanga leswaku valala va mina va ndzi hleka.+
2 Yehovha Xikwembu xanga, ndzi kombele mpfuno eka wena naswona u ndzi hanyisile.+
3 Yehovha Xikwembu xanga, u ndzi humese eSirheni.*+
A wu ndzi tshikanga ndzi fa; u ndzi ponisile leswaku ndzi nga weli ekheleni.*+
4 Yimbelelani mi dzunisa Yehovha, n’wina lava tshembekaka eka yena,+
Khensani vito rakwe ro kwetsima;+
5 Hikuva u mi hlundzukela swa nkarhinyana,+
Kambe u ta mi rhandza vutomi hinkwabyo.+
Mi ta rila nimadyambu kambe nimixo mi ta ba mikulungwana.+
6 Loko swa ha ndzi fambela kahle ndzi te:
“A ndzi nge pfuki ndzi tsekatsekisiwile.”
7 Yehovha, u ndzi tiyise ku fana ni ntshava hi nkarhi lowu a wu ndzi sirhelela.+
Kambe ndzi sungule ku chava, loko u ndzi tumbetela xikandza xa wena.+
9 Xana u kona loyi a vuyeriwaka loko ndzi fa, loko ndzi nghena esirheni?+
Xana ritshuri ri nga ku dzunisa?+ Xana ri nga byela van’wana leswaku wa tshembeka?+
10 Yehovha Xikwembu xanga, yingisa u ndzi twela vusiwana.+
Ndzi pfune Yehovha.+
11 U endle leswaku ndzi nga ha rili kambe ndzi khana;
U ndzi hluvule xiambalo* xo khwaxa, kutani u ndzi ambexa ntsako,
12 Leswaku ndzi nga miyeli, ndzi ku dzunisa hi tinsimu.
Yehovha Xikwembu xanga, ndzi ta ku dzunisa hilaha ku nga heriki.