Tipisalema
Eka mufambisi; hi mayimbelelelo ya risimu leri nge, “U Nga Lovisi.” Miktami* ya Davhida.
58 Xana mi nga vulavula leswo lulama loko mi miyerile?+
Xana mi nga avanyisa hi ku lulama, n’wina vanhu?+
2 Ku ri na sweswo, mi boha makungu yo biha etimbilwini ta n’wina,+
Mavoko ya n’wina ma vanga madzolonga etikweni.+
3 Lavo homboloka va hambuke va ha ku velekiwa;
A va lawuleki, i vahembi ku sukela loko va velekiwile.
4 Vuxungu bya vona byi fana ni vuxungu bya tinyoka;+
A va twi ku fana ni xivatlankombe lexi pfaleke tindleve.
5 A xi nge ri yingisi rito ra vangoma,
Hambiloko va ri ni vutshila eka swa vungoma.
6 Xikwembu xanga, va gule matino!
Tshova tinhlaya ta tinghala leti, Yehovha Xikwembu xanga!
7 Onge va nga nyamalala ku fana ni mati lama phyaka.
Onge A nga va copa hi miseve va wa.
8 A va fane ni humba leyi fambaka yi siya marhekerheke;
Ku fana ni n’wana wa wansati loyi a velekiwaka a file, loyi a nga ri vonangiki dyambu.
9 Loko mapoto ya wena ma nga si twa ku hisa ka ndzhenga,
U ta kukula rhavi leri tsakamaka ni leri pfurhaka, ku fana ni loko ri tekiwa hi mheho.+
10 Lowo lulama u ta tsaka hikwalaho ka leswi a voneke ku rihisela;+
Milenge yakwe yi ta hlambisiwa hi ngati ya lowo homboloka.+
11 Kutani vanhu va ta ku: “A swi kanakanisi leswaku lavo lulama va ta katekisiwa.+
Hakunene ku ni Xikwembu lexi avanyisaka misava.”+