Tikronika To Sungula

25 Ku tlula kwalaho, Davhida ni tindhuna ta mitlawa va hlawule van’wana va vana va Asafa ku nga, Hemani na Yedutani+ leswaku va chaya tiharipa, switende+ ni swiphambati+ va dzunisa Xikwembu ni ku profeta. Nxaxamelo wa lava hlawuriweke ku endla ntirho lowu, hi lowu 2 eka vana va Asafa: Zakuru, Yosefa, Nethaniya na Asarela, vana va Asafa a va kongomisiwa hi yena naswona Asafa a a profeta ehansi ka nkongomiso wa hosi. 3 Eka Yedutani+ vana va Yedutani: Gedaliya, Seri, Yexaya, Ximeyi, Haxabiya na Matitiya,+ a va ri tsevu, a va ri ehansi ka tata wa vona Yedutani loyi a a profeta ni ku dzunisa Yehovha+ hi haripa. 4 Eka Hemani+ vana va Hemani: Bukiya, Mataniya, Uziyele, Xebuwele, Yerimoto, Hananiya, Hanane, Eliyata, Gidaliti, Rhomamiti-ezere, Yoxibekaxa, Maloti, Hotiri na Mahaziyoto. 5 Lava hinkwavo a ku ri vana va Hemani, loyi a ri muvoni wa swivono swa hosi swa timhaka leti vangamisaka Xikwembu xa ntiyiso; Xikwembu xa ntiyiso xi nyike Hemani vana va majaha va 14 ni vanhwanyana vanharhu. 6 Hinkwavo lava a va tirha ehansi ka tata wa vona leswaku va yimbelela endlwini ya Yehovha, hi ku tirhisa swiphambati, switende ni tiharipa+ entirhweni lowu a wu endliwa endlwini ya Xikwembu xa ntiyiso.

Lava a va tirha ehansi ka vulawuri bya hosi a ku ri Asafa, Yedutani na Hemani.

7 Nhlayo ya vona ni ya vamakwavo lava leteriweke ku yimbelelela Yehovha, a va ri 288 naswona hinkwavo a va ri ni vuswikoti. 8 Hiloko va avelana ntirho hi ku tirhisa vuhlolotwana,*+ lontsongo ni lonkulu, loyi a nga ni vuswikoti ni loyi a ha dyondzaka.

9 Vuhlolotwana* byo sungula byi kombe Asafa n’wana wa Yosefa,+ bya vumbirhi byi komba Gedaliya+ (yena ni vamakwavo ni vana vakwe a va ri 12); 10 bya vunharhu byi komba Zakuru,+ vana vakwe ni vamakwavo, a va ri 12; 11 bya vumune byi komba Izri, vana vakwe ni vamakwavo, a va ri 12; 12 bya vuntlhanu byi komba Nethaniya,+ vana vakwe ni vamakwavo, a va ri 12; 13 bya vutsevu byi komba Bukiya, vana vakwe ni vamakwavo, a va ri 12; 14 bya vunkombo byi komba Yexarela, vana vakwe ni vamakwavo, a va ri 12; 15 bya vunhungu byi komba Yexaya, vana vakwe ni vamakwavo, a va ri 12; 16 bya vukaye byi komba Mataniya, vana vakwe ni vamakwavo, a va ri 12; 17 bya vukhume byi komba Ximeyi, vana vakwe ni vamakwavo, a va ri 12; 18 bya vu-11 byi komba Azarele, vana vakwe ni vamakwavo, a va ri 12; 19 bya vu-12 byi komba Haxabiya, vana vakwe ni vamakwavo, a va ri 12; 20 bya vu-13 byi komba Xubayele,+ vana vakwe ni vamakwavo, a va ri 12; 21 bya vu-14 byi komba Matitiya, vana vakwe ni vamakwavo, a va ri 12; 22 bya vu-15 byi komba Yeremoto, vana vakwe ni vamakwavo, a va ri 12; 23 bya vu-16, byi komba Hananiya, vana vakwe ni vamakwavo, a va ri 12; 24 bya vu-17 byi komba Yoxibekaxa, vana vakwe ni vamakwavo, a va ri 12; 25 bya vu-18 byi komba Hanane, vana vakwe ni vamakwavo, a va ri 12; 26 bya vu-19 byi komba Maloti, vana vakwe ni vamakwavo, a va ri 12; 27 bya vu-20 byi komba Eliyata, vana vakwe ni vamakwavo, a va ri 12; 28 bya vu-21 byi komba Hotiri, vana vakwe ni vamakwavo, a va ri 12; 29 bya vu-22 byi komba Gidaliti,+ vana vakwe ni vamakwavo, a va ri 12; 30 bya vu-23 byi komba Mahaziyoto,+ vana vakwe ni vamakwavo, a va ri 12; 31 bya vu-24 byi komba Rhomamiti-ezere,+ vana vakwe ni vamakwavo, a va ri 12.