HOSIYA
1 Rito ra Yehovha leri fikeke eka Hosiya* n’wana wa Beri enkarhini wa ku fuma ka Uziya,+ Yohatama,+ Akazi+ na Hezekiya,+ tihosi ta Yuda,+ ni le nkarhini wa ku fuma ka Yerobuwamu+ n’wana wa Yowasi,+ hosi ya Israyele. 2 Loko Yehovha a sungula ku vulavula na Hosiya, Yehovha u vulavule na yena a ku: “Famba u ya teka nghwavava, yi ta ku velekela vana lava nga riki va wena, hikuva tiko ri tshike ku landzela Yehovha hikwalaho ka vunghwavava bya rona.”+
3 Hiloko a famba a ya teka Gomere n’wana wa Diblayimi, ivi a tika a n’wi velekela n’wana wa jaha.
4 Yehovha a ku eka yena: “N’wi thye vito ra Yizriyele,* hikuva ku nga ri khale ndzi ta xupula ndyangu wa Yehu+ hikwalaho ko halata ngati eYizriyele naswona ndzi ta herisa vuhosi bya yindlu ya Israyele.+ 5 Esikwini rero ndzi ta tshova vurha* bya Israyele eNkoveni wa Yizriyele.”
6 Hiloko Gomere a tlhela a tika kutani a veleka n’wana wa nhwanyana. Kutani Xikwembu xi byela Hosiya xi ku: “N’wi thye vito ra Lo-ruhama,* hikuva a ndzi nge he tlheli ndzi va ni tintswalo+ eka yindlu ya Israyele, ndzi ta va hlongola.+ 7 Kambe ndzi ta va ni tintswalo eka yindlu ya Yuda,+ ndzi ta va ponisa, mina Yehovha Xikwembu xa vona;+ a ndzi nge va ponisi hi vurha kumbe hi banga, kumbe hi nyimpi, kumbe hi tihanci, kumbe hi vagadi va tihanci.”+
8 Endzhaku ka loko Gomere a lumule Lo-ruhama, u tlhele a tika a veleka n’wana wa jaha. 9 Xikwembu xi ku eka Hosiya: “N’wi thye vito ra Lo-ami,* hikuva n’wina a mi vanhu va mina naswona mina a ndzi nge vi Xikwembu xa n’wina.
10 “Vanhu va Israyele va ta tala ku fana ni sava ra lwandle, leri nga pimekiki kumbe ku hlayeka.+ Kutani endhawini leyi va byeriweke leswaku, ‘A mi vanhu va mina,’+ va ta byeriwa leswaku, ‘N’wina mi vana va Xikwembu lexi hanyaka.’+ 11 Vanhu va Yuda ni va Israyele va ta hlengeletana va va nchumu wun’we,+ va ta tihlawulela murhangeri un’we va huma etikweni, hikuva siku ra Yizriyele+ ri ta va rikulu.
2 “Byelani vamakwenu va xinuna mi ku, ‘Mi vanhu va mina!’*+
Ni vamakwenu va xisati mi ku, ‘N’wina mi vavasati lava kombiweke tintswalo!’*+
2 Vonani mana wa n’wina nandzu; n’wi voneni nandzu,
Hikuva a hi nsati wa mina+ naswona mina a ndzi nuna wa yena.
U fanele a tshika vunghwavava lebyi a byi endlaka
Ni vuoswi byakwe,*
3 Loko a nga tshiki ndzi ta n’wi hluvula a sala a nga ambalanga, ku fana ni siku leri a nga velekiwa ha rona,
Ndzi n’wi endla a fana ni mananga,
Ndzi n’wi endla a fana ni tiko ro pfumala mati,
U ta dlayiwa hi torha.
4 A ndzi nge vi na tintswalo eka vana va yena,
Hikuva u va kume loko a endla vunghwavava.
5 Hikuva mana wa vona u endle vunghwavava.+
Yena loyi a va tikeke u endle leswi nyumisaka,+ hikuva u te,
‘Ndzi ta landzelela swigangu swa mina,+
Leswi ndzi nyikaka xinkwa ni mati,
Swiambalo swa mina swa voya ni swiambalo swa mina swa lapi, mafurha ya mina ni swakunwa swa mina.’
6 Hikwalaho ndzi ta siva ndlela ya wena hi rihlampfu ra mitwa;
Ndzi ta siva ndlela ya yena hi maribye,
Leswaku a nga hundzi.
Kutani u ta ku, ‘Ndzi ta tlhelela eka nuna wa mina,*+
Hikuva loko ndza ha ri na yena a swi ndzi fambela kahle ku tlula sweswi.’+
8 A a nga swi tivi leswaku hi mina loyi ndzi n’wi nyikeke mavele+ ni vhinyo leyintshwa ni mafurha,
Nileswaku hi mina loyi ndzi n’wi nyikeke silivhere yo tala
Ni nsuku, leswi va swi tirhiseke loko va gandzela Bali.+
9 ‘Hikwalaho, ndzi ta ya ndzi ya teka mavele ya mina hi nkarhi wa ntshovelo
Ni vhinyo ya mina leyintshwa hi nkarhi wo hlengeleta madiriva,+
Ndzi ta teka swiambalo swa mina swa voya ni swiambalo swa mina swa lapi leswi a a fanele a ambala swona.
10 Ndzi ta n’wi funungula leswaku swigangu swa yena swi n’wi vonela,
A ku nge vi na munhu loyi a nga ta n’wi ponisa evokweni ra mina.+
11 Ndzi ta herisa swilo hinkwaswo leswi n’wi tsakisaka,
Mikhuvo ya yena,+ ku tlangela ka yena ku huma ka n’weti, tisavata ta yena ni mikarhi ya yena yo tsaka.
12 Ndzi ta herisa mirhi yakwe ya madiriva ni mikuwa yakwe, leswi a vulavuleke ha swona a ku:
“I hakelo ya mina, leyi ndzi yi nyikiweke hi swigangu swa mina”;
Ndzi ta swi hundzula khwati,
Swi ta dyiwa hi swiharhi.
13 Ndzi ta n’wi xupula hikwalaho ka masiku lawa a a gandzela swifaniso swa Bali ha wona,+
Laha a a tisasekisa hi swingwavila swakwe ni swin’wetsin’wetsi kutani a landzelela swigangu swakwe,
Kambe mina u ndzi rivarile,’+ ku vula Yehovha.
14 ‘Hikwalaho ndzi ta n’wi khongotela,
Ndzi ta n’wi yisa emananga,
Ndzi ta n’wi byela leswi nga ta n’wi tsakisa mbilu.
15 Ndzi ta n’wi tlherisela masimu yakwe ya madiriva hi nkarhi wolowo,+
Naswona Nkova wa Akora+ wu ta va gede yo nghena etikweni ra ntshembo;
U ta ndzi hlamula a ri kwale ku fana ni loko a ha ri muntshwa,
Ku fana ni le sikwini leri a humeke ha rona etikweni ra Egipta.+
16 Kutani esikwini rero,’ ku vula Yehovha,
‘U ta ndzi vula nuna Wanga, a wu nge he ndzi vuli n’wini Wanga.’*
17 ‘A ndzi nge he n’wi pfumeleli a vitana mavito ya swifaniso swa Bali,+
Naswona mavito ya swona a ma nge he tsundzukiwi.+
18 Hi siku rero ndzi ta endla ntwanano exikarhi ka vanhu va mina ni swiharhi,+
Ni swinyenyana ni swilo leswi kokovaka;+
Ndzi ta herisa vurha, banga ni nyimpi etikweni,+
Va ta tshama hi ku rhula va sirhelelekile.+
19 Ndzi ta va wa wena hilaha ku nga heriki;
Ndzi ta va wa wena hi ku tshembeka ni hi vululami,
Hi rirhandzu ra ntiyiso ni hi tintswalo.+
21 ‘Hi siku rero ndzi ta swi endla,’ ku vula Yehovha,
‘Ndzi ta endla leswaku matilo ma kuma leswi ma swi kombelaka,
Loko ku ri wona ma ta humesela misava leswi yi swi kombelaka;+
22 Misava yi ta humesa leswi komberiwaka hi mavele ni vhinyo leyintshwa ni mafurha;
Loko ku ri swona swi ta humesela Yizriyele* leswi a swi kombeleke.+
23 Ndzi ta n’wi byala kukota mbewu emisaveni,+
Naswona ndzi ta n’wi kombisa tintswalo loyi a nga kombiwangiki tintswalo;*
Lava nga riki vanhu va mina* ndzi ta va byela ndzi ku: “N’wina mi vanhu va mina,”+
Kasi vona va ta ku: “Wena u Xikwembu xa hina.”’”+
3 Kutani Yehovha a ku eka mina: “Famba u ya tlhela u rhandza nsati wa wena loyi a endlaka vuoswi,+ la rhandziwaka hi wanuna un’wana, hilaha Yehovha a rhandzaka vanhu va Israyele+ hakona hambileswi va gandzelaka swikwembu+ swin’wana ni ku rhandza makhekhe* lama endliweke hi madiriva lama omisiweke.”
2 Ndzi tixavele yena hi swiphemu swa silivhere swa 15 ni mpimo wa homere* ni hafu ya maxalana. 3 Kutani ndzi ku eka yena: “U ta va wa mina ku ringana nkarhi wo leha. U nga tshuki u endla vunghwavava, u nga tshuki u etlela ni wanuna un’wana, na mina a ndzi nge etleli na wena.”
4 Hikuva vanhu va Israyele va ta tshama nkarhi wo leha* va nga ri na hosi,+ va nga ri na hosana, va nga endli magandzelo, va nga ri na timhandzi ta swikwembu swa mavunwa, va nga ri na efodi*+ ni swifaniso swa terafimi.*+ 5 Endzhaku ka sweswo vanhu va Israyele va ta vuya va ta lava Yehovha Xikwembu xa vona,+ na Davhida hosi ya vona+ naswona emasikwini yo hetelela va ta ta eka Yehovha va ri karhi va rhurhumela hikwalaho ka vunene bya yena.+
4 Yingisani rito ra Yehovha, N’wina vanhu va Israyele,
Yehovha u ni mhaka leyi a lavaka ku yi tenga ni vaakatiko,+
Hikuva a va tshembeki, a va na rona rirhandzu ra ntiyiso naswona a va xi tivi Xikwembu.+
2 Vumbhoni bya mavunwa,+ ku hemba, ku dlaya,+
Ku yiva ni vuoswi+ swi tele swinene,
Va tshamela ku halata ngati.+
3 Tiko ri ta rila+ hikwalaho ka sweswo
Naswona vaakatiko va ta hela matimba;
Swiharhi ni swinyenyana,
Hambi ku ri tihlampfi ta le lwandle, swi ta lova.
4 “Hambiswiritano, ku nga tshuki ku va ni loyi a holovaka kumbe ku sola un’wana,+
Hikuva mi fana ni vanhu lava holovisaka muprista.+
5 Mi ta wa dyambu ri lo hosi,
Muprofeta na yena u ta wa na n’wina onge hi loko mi famba emunyameni.
Ndzi ta dlaya mana wa n’wina.
6 Vanhu va mina va ta dlayiwa, hikuva a va ndzi tivi.
Leswi va nga laviki ku ndzi tiva,+
Na mina ndzi ta va tshikisa ku va vaprista va mina;
Naswona leswi va rivaleke nawu* wa Xikwembu xa vona,+
Na mina ndzi ta rivala vana va vona.
7 Loko vaprista va andza, va ya va ndzi dyohela swinene.+
Ematshan’weni yo ndzi vangamisa va ndzi sandza.*
8 Loko vanhu va mina va dyoha, vaprista va dya nyama ya magandzelo ya kona,
Va hisekela ku endla leswo biha.
9 Leswi swi nga ta endleka eka vanhu swi ta endleka ni le ka vaprista;
Ndzi ta endla leswaku va tihlamulela hikwalaho ka swiendlo swa vona,
Ndzi ta va xupula hikwalaho ka swidyoho swa vona.+
10 Va ta dya kambe a va nge xurhi.+
Va ta endla vunghwavava kambe a va nge vi na vana,+
Hikuva a va n’wi xiximi Yehovha.
12 Vanhu va mina va vutisa swikwembu swa vona leswi endliweke hi timhandzi,
Va endla leswi nhonga* ya vona yi va byelaka swona;
Hikuva moya wa vunghwavava wa va hambukisa,
Va ala ku titsongahata eka Xikwembu xa vona hikwalaho ka vunghwavava bya vona.
13 Va endla magandzelo ehenhla ka tintshava,+
Va tlhela va hisa magandzelo eswintshabyanini,
Ehansi ka mirhi ya oku, nsihani ni murhi wun’wana ni wun’wana lowukulu,+
Hikuva mindzhuti ya yona i yinene.
Hi swona swi endlaka vana va n’wina va vanhwanyana va endla vunghwavava
Ni vingi va n’wina va endla vuoswi.
14 A ndzi nge va xupuli vana va n’wina va vanhwanyana hikwalaho ka vunghwavava bya vona,
Ni vingi va n’wina hikwalaho ka vuoswi bya vona.
Hikuva vavanuna va famba ni tinghwavava,
Va endla magandzelo ni tinghwavava ta le tempeleni;
Vanhu volavo lava nga riki na ku twisisa+ va ta lovisiwa.
15 Hambileswi wena Israyele+ u endlaka vunghwavava,
Wena Yuda a wu fanelanga u va ni nandzu lowu fanaka ni wolowo.+
Mi nga yi eGiligala+ kumbe eBeta-avheni,+
Naswona mi nga hlambanyi mi ku, ‘Ndza hlambanya hi Yehovha Xikwembu lexi hanyaka!’+
16 Hikuva Israyele u tiomise nhloko ku fana ni homu leyi tiomisaka nhloko.+
Xana Yehovha u ta va risa kukota khuna leritsongo emadyelweni lama pfulekeke?*
17 Efrayimi u rhandza swikwembu.+
N’wi tshikeni!
Vafumi* va yena va swi rhandza swinene swilo leswi khomisaka tingana.+
19 Moya wu ta n’wi tsondzela* hi timpapa ta wona,
Va ta khomiwa hi tingana hikwalaho ka magandzelo ya vona.”
5 “Twanani leswi, n’wina vaprista,+
Yingisani, n’wina yindlu ya Israyele,
Yingisani, n’wina ndyangu wa hosi,
Mi ta avanyisiwa;
Hikuva mi xirimbana eMizpa
Ni nete leyi andlariweke ehenhla ka Taboro.+
2 Lava va hambukaka* eka mina va nghene hi nhloko eku dlayeni,
Kutani ndza va lemukisa* hinkwavo ka vona.
3 Ndza n’wi tiva Efrayimi,
Israyele a nge ndzi tumbeleli.
Hikuva wena Efrayimi u endle vunghwavava;
Israyele u tithyakisile.+
4 Swiendlo swa vona a swi va pfumeleli leswaku va tlhelela eka Xikwembu xa vona,
Hikuva ku ni moya wa vunghwavava exikarhi ka vona;+
Naswona a va na mhaka na Yehovha.
5 Ku tikurisa ka Israyele ku nyikele vumbhoni lebyi lwisanaka na yena;+
Israyele na Efrayimi va wisiwe hi swidyoho swa vona,
Na Yuda u we na vona.+
6 Va fambe ni ntlhambi wa vona wa tinyimpfu ni wa tihomu, va lava Yehovha,
Kambe a va n’wi kumanga.
U va fularherile.+
Kutani hi n’hweti yin’we ntsena va ta lovisiwa ni ndzhaka* ya vona.*
8 Yimbani nanga+ eGibiya, mi chaya mhalamhala eRhama!+
Banani hungwe* ra nyimpi eBeta-avheni,+ hi le ndzhaku ka wena Benjamini!
9 Wena Efrayimi, vanhu va ta chava hi siku leri u nga ta xupuriwa ha rona.+
Ndzi byele tinyimba ta Israyele leswi nga ta humelela eka tona.
10 Tihosana ta Yuda ti fana ni lava susaka ndzilakana.+
Ndzi ta chululela vukarhi bya mina ehenhla ka vona ku fana ni mati.
11 Efrayimi wa tikeriwa, u tshikileriwa hi vuavanyisi,
Hikuva a a tiyimisele ku landzelela nala wakwe.+
12 A ndzi fana ni xitsotswana lexi onhaka eka Efrayimi
Ni nchumu lowu boleke endlwini ya Yuda.
13 Loko Efrayimi a vone vuvabyi byakwe, na Yuda a vone xilondza xakwe,
Efrayimi u ye eAsiriya,+ a rhumela varhumiwa eka hosi leyikulu.
Kambe yona a yi swi kotanga ku mi tshungula,
Yi tsandzekile ku horisa xilondza xa n’wina.
14 Ndzi ta fana ni xinghalana eka Efrayimi,
Ni nghala ya matimba endlwini ya Yuda.
Ndzi ta va phatlulela, ndzi va rhwala;+
Ndzi famba na vona naswona a ku nge vi na loyi a nga ta va ponisa.+
15 Ndzi ta famba ndzi tlhelela endhawini ya mina kukondza va xupuriwa hikwalaho ka nandzu wa vona,
Kutani va ta lava leswaku ndzi va pfuna.+
Va ta ndzi lava loko va tshikilelekile.”+
U hi bile, kambe u ta bohelela timbanga ta hina.
2 U ta hi pfuxa endzhaku ka masiku mambirhi.
Hi siku ra vunharhu u ta hi yimisa,
Kutani hi ta hanya emahlweni ka yena.
3 Hi ta tiva Yehovha, hi ta tikarhatela ku n’wi tiva.
Ku fana ni dyambu leri humaka nimixo, ha tiyiseka leswaku u ta ta eka hina;
U ta ta eka hina ku fana ni mpfula leyi naka hi matimba,
Ku fana ni mpfula ya ximun’wana leyi tsakamisaka misava.”
4 “Ndzi fanele ndzi endla yini hi wena Efrayimi?
Ndzi fanele ndzi endla yini hi wena Yuda?
Hikuva rirhandzu ra n’wina ri fana ni mapapa ya nimixo,
Ku fana ni mberha leyi hatlaka yi nyamalala.
5 Hi swona leswi nga ta endla ndzi va lovisa hi ku tirhisa vaprofeta;+
Ndzi ta va dlaya hi marito ya nomu wa mina.+
Ku avanyisiwa ka vona ku ta vangama ku fana ni ku vonakala.+
6 Kambe ndzi tsakisiwa hiloko va ndzi rhandza ku nga ri magandzelo,
Ni ku tiva Xikwembu ku nga ri magandzelo yo hisiwa.+
7 Kambe leswi va nga vanhu lava nga ni xidyoho, va tlule ntwanano wa mina.+
Va ndzi xengile etindhawini toleto.
9 Vaprista va fana ni ntlawa wa swigevenga leswi tumbelelaka vanhu.
Va dlaya vanhu endleleni yo ya eXikeme,+
Leswi va swi endlaka swi khomisa tingana.
10 Ndzi vone nchumu lowu tsemaka nhlana endlwini ya Israyele.
11 Loko ku ri wena Yuda, u vekeriwe nkarhi, u ta hlengeletiwa ku fana ni leswi hlengeletiwaka hi nkarhi wa ntshovelo,
Loko ndzi vuyisa vanhu va mina lava a va ri evuhlongeni.”+
7 “Enkarhini lowu ndzi nga ta tshungula Israyele,
Xidyoho xa Efrayimi xi ta vonaka,+
Ni vuhomboloki bya Samariya byi ta vonaka.+
Hikuva va hanya hi vukanganyisi;+
Makhamba ma tshova ma nghena kasi hala handle swigevenga swa onha.+
2 Kambe a va swi voni leswaku vubihi bya vona hinkwabyo ndzi ta byi tsundzuka.+
Va tiphase hi swidyoho swa vona;
Swi lo tlangandla, emahlweni ka mina.
3 Va tsakisa hosi hi vubihi bya vona,
Ni tihosana hi vuxisi bya vona.
4 Hinkwavo ka vona i vaoswi,
Va tshwa, va fana ni ndzilo lowu tshiveriweke hi mubaki,
Loyi a tshikaka ku wu hlanganyeta endzhaku ko pfuva mbila ku kondza yi kukumuka.
Hosi i munghana wa vahlekuri.
6 Timbilu ta vona ti hisa ku fana ni ndzilo wa mubaki hikuva va lava ku endla swilo swo biha ntsena.*
Mubaki u etlela vusiku hinkwabyo;
Nimixo ndzilo wa mubaki wa pfurha swinene.
8 Efrayimi u tihlanganisa ni matiko.+
Efrayimi u fana ni khekhe ra xirhendzevutana leri bakiweke tlhelo rin’we ri nga hundzuluxiwi.
9 Vafambi va n’wi hete matimba,+ kambe a nga swi tivi.
Misisi yakwe yi hundzuke yo basa, kambe a nga swi xiyi.
10 Ku tikurisa ka vanhu va Israyele ku nyikele vumbhoni lebyi lwisanaka na vona,+
Kambe a va tlhelelanga eka Yehovha Xikwembu xa vona,+
Naswona a va n’wi lavanga hambiloko va weriwa hi khombo.
11 Efrayimi u fana ni tuva leri nga tlharihangiki, leri nga riki na ku twisisa.*+
U kombele mpfuno eEgipta;+ ni le Asiriya.+
12 Hinkwako laha va yaka kona, ndzi ta va phasa hi nete ya mina.
Ndzi ta va phasa kukota swinyenyana.
Ndzi ta va tshinya hi ku ya hi xitsundzuxo lexi va byeriweke xona enhlengeletanweni ya vona.+
13 Khombo eka vona hikuva va ndzi balekerile!
Va ta weriwa hi khombo hikuva va tlule nawu wa mina!
A ndzi tiyimisele ku va kutsula kambe va vulavule mavunwa hi mina.+
14 A va ndzi kombelanga hi timbilu ta vona hinkwato leswaku ndzi va pfuna,+
Hambileswi a va tshamela ku rila emibedweni ya vona.
Va tixekelela hikwalaho ka mavele ya vona ni vhinyo leyintshwa;
Va ndzi fularherile.
15 Hambiloko ndzi va tshinya ndzi tlhela ndzi va nyika matimba,
Va boha makungu yo biha, a va na mhaka na mina.
16 Va vuyile kambe ku nga ri eka vugandzeri bya ntiyiso;
A va nga tshembeki ku fana ni vurha lebyi nga tiyangiki kahle.+
Tihosana ta vona ti ta dlayiwa hi banga hikwalaho ka nkani ya tona.
Hi swona swi nga ta endla leswaku va hlekuriwa etikweni ra Egipta.”+
Nala u ta kukotisa gama u tela ku lwa ni yindlu ya Yehovha,+
2 Va ndzi huwelela va ku, ‘Wena u Xikwembu xa hina, hina Israyele ha ku tiva!’+
3 Israyele u tshike ku endla leswinene.+
Nala a a n’wi hlongorise.
4 Va tivekele tihosi va nga ndzi vutisanga.
Va tivekele tihosana handle ka mpfumelelo wa mina.
5 Wena Samariya rhole ra wena a ri amukeleki.+
Ndzi va hlundzukele ngopfu.+
Xana va ta va ni nandzu ku fikela rini?
6 Hikuva rhole rero ri huma eIsrayele.
A ri endliwanga hi Xikwembu, ri endliwe hi loyi a tivaka ntirho wa mavoko;
Rhole ra Samariya ri ta fayeleriwa ri va swiphemuphemu.
7 Hikuva va endla leswo biha leswi fanaka ni ku byala moya,
Kutani va ta tshovela leswo biha leswi fanaka ni xidzedze.+
A va tshovelanga nchumu;+
Leswi milaka a swi humesi mapa.
Loko ko tshuka ku va ni swo karhi swi ta dyiwa hi vafambi.+
8 Israyele u ta mitiwa hi valala va yena.+
Va ta va exikarhi ka matiko,+
Ku fana ni xibya lexi nga laviwiki.
9 Hikuva va ye eAsiriya,+ ku fana ni mbhongolo ya le nhoveni leyi tshamaka yi ri yoxe.
Efrayimi u ye a ya lava tinghwavava.+
10 Hambileswi va ti lavaka exikarhi ka matiko,
Ndzi ta va hlengeleta;
Va ta sungula ku xaniseka+ hikwalaho ka ndzhwalo lowu hosi ni tihosana ti nga ta va rhwexa wona.
11 Hikuva Efrayimi u engetele tialtari leswaku a dyoha.+
I tialtari ta yena leti n’wi dyohisaka.+
U ta tsundzuka xihoxo xa vona kutani a va xupula hikwalaho ka swidyoho swa vona.+
14 Israyele u rivale Muvumbi wa yena+ kutani a aka titempele,+
Yuda u engetele miti leyi nga ni makhumbi yo yi sirhelela.+
Kambe ndzi ta rhumela ndzilo emitini yoleyo,
Kutani wu ta lovisa swihondzo swa wun’wana ni wun’wana wa yona.”+
Hikuva u tshike Xikwembu xa wena hikwalaho ka vunghwavava.+
U rhandze hakelo ya vunghwavava lebyi u byi endlaka eswivuyeni* hinkwaswo swa mavele.+
3 A va nge yi emahlweni va tshama etikweni ra Yehovha;+
Ku ri na sweswo, Efrayimi u ta tlhelela eEgipta,
Loko va ri eAsiriya va ta dya leswi nga basangiki.+
Ma ta fana ni xinkwa xa le nkosini;
Hinkwavo lava xi dyaka va ta tithyakisa.
Hikuva xinkwa xa vona i xa vona ntsena;
A xi nge ngheni endlwini ya Yehovha.
5 Xana mi ta endla yini hi siku ro hlengeletana,
Hi siku ro tlangela nkhuvo wa Yehovha?
6 Va ta boheka ku baleka hikwalaho ka khombo.+
Egipta u ta va hlengeleta,+ kasi Memfisi u ta va celela.+
Mfava wu ta teka swilo swa vona swa risima leswi endliweke hi silivhere,
Ku ta mila swihlahla swa mitwa ematendeni ya vona.
Muprofeta wa vona u ta va xiphukuphuku, wanuna loyi a vulaka leswaku leswi a swi vulaka swi huma eka Xikwembu u ta penga;
Hikwalaho ka leswi va nga ni swidyoho swo tala, va ta va ni valala vo tala.”
8 Murindzi+ wa Efrayimi a a ri ni Xikwembu xanga.+
Kambe sweswi tindlela hinkwato ta vaprofeta va yena+ ti fana ni xirimbana xa muphasi wa swinyenyana;
Ku ni rivengo endlwini ya Xikwembu xa yena.
9 Va nghene hi nhloko eku endleni ka swilo swo biha ku fana ni le masikwini ya Gibiya.+
Xi ta tsundzuka swidyoho swa vona kutani xi va xupula hikwalaho ka swona.+
10 “Loko ndzi kuma Israyele a swi fana ni loko ndzi kuma madiriva emananga.+
Ndzi vone vakokwa wa n’wina kukota makuwa yo sungula enkuweni.
Kambe vona va ye eka Bali wa Peyori;+
Va tinyiketele eka nchumu lowu nyumisaka,*+
Kutani va nyenyetsa ku fana ni xikwembu lexi va xi gandzelaka.
11 Ku vangama ka Efrayimi ku hahile ku fana ni xinyenyana;
A ku na loyi a velekaka, a ku na loyi a tikaka.+
12 Hambiloko vo kurisa vana,
Ndzi ta va tekela vona lerova ku nga ha sali munhu;+
Va ta weriwa hi khombo loko ndzi va fularhela!+
13 Efrayimi loyi a a ri emadyelweni lamanene, a a fana na Tiri eka mina;+
Sweswi Efrayimi u fanele a humesa vana vakwe va majaha leswaku va ta dlayiwa.”
14 Yehovha, va nyike leswi va faneleke;
A va onhakeriwe hi makhwiri ni mavele ya vona ma nga vi ni mafi.
15 “Vubihi bya vona hinkwabyo va byi endle eGiligala,+ ndza va venga hikwalaho ka sweswo.
Ndzi ta va hlongola endlwini ya mina hikwalaho ka swiendlo swa vona swo biha.+
A ndzi nge he va rhandzi;+
Tihosana ta vona hinkwato ti tiomisa tinhloko.
16 Efrayimi u ta wisiwa ku fana ni murhi.+
Timitsu ta vona ti ta oma, a va nge he humesi mihandzu.
Hambiloko vo veleka, ndzi ta dlaya vana va vona lava va va rhandzaka.”
17 Xikwembu xanga xi ta va fularhela,
Hikuva a va xi yingisanga,+
Kutani va ta va vatsendzeleki exikarhi ka matiko.+
10 “Israyele u fana ni murhi wa madiriva lowu nga bola* lowu tswalaka mihandzu.+
Loko mihandzu ya yena yi andza, u andzisa ni tialtari ta yena.+
Loko tiko ra yena ri va ni ndzalo, u endla tiphuphu to saseka leti a ti hundzuleke swikwembu.+
2 Mbilu ya vona yi ni vukanganyisi;
Va ta dyiwa hi nandzu.
Ku ni loyi a nga ta tshova tialtari ta vona a tlhela a herisa timhandzi leti ku gandzeriwaka eka tona.
3 Va ta ku, ‘A hi na hosi+ hikuva a hi n’wi chavanga Yehovha.
Niloko a hi ri ni hosi, a yi ta hi endlela yini?’
4 Va vulavula marito lama nga pfuniki nchumu, va endla switshembiso swa mavunwa+ ni mintwanano;
Vuavanyisi bya vona byi fana ni swimilana leswi nga ni chefu emasin’wini.+
5 Vaaki va Samariya va ta twa ku vava hikwalaho ka xifaniso xa rhole xa le Beta-avheni.+
Vanhu va xona va ta xi rilela,
Swin’we ni vaprista va xona lava a va xi tsakela, hikwalaho ka ku vangama ka xona,
Hikuva xi ta ya evuhlongeni.
6 Xi ta yisiwa eAsiriya xi va nyiko ya hosi leyikulu.+
Efrayimi u ta khomisiwa tingana,
Kutani Israyele u ta khomiwa hi tingana hikwalaho ka xona.+
8 Tindhawu leti tlakukeke ta Beta-avheni+ leti endlaka leswaku Israyele+ a dyoha ti ta lovisiwa.+
Tialtari ta vona ti ta mila mitwa.+
Vanhu va ta byela tintshava va ku, ‘Hi funengeteni!’
Va byela swintshabyana va ku, ‘Hi weleni!’+
9 Wena Israyele u dyohile ku sukela emasikwini ya leswi humeleleke eGibiya.+
A va hundzukanga.
Nyimpi a yi va hetanga vana lava nga lulamangiki eGibiya.
10 Ndzi ta va xupula loko ndzi swi rhandza.
Vanhu va ta hlengeletana va lwa na vona,
Va ta xupuriwa hi ku rhwala milandzu ya vona yimbirhi.*
11 Efrayimi a a ri thokazi* leri leteriweke leri a ri rhandza ku hula,
Hikwalaho a ndzi n’wi pananga.
Kambe sweswi ndzi ta endla leswaku ku va ni loyi a gadaka* Efrayimi.+
Yuda u ta rima; Yakobo u ta faya mabuwu.
12 Byalani ku lulama mi tshovela rirhandzu ra ntiyiso.
Rimani masimu lama rimekaka+
Loko ka ha ri ni nkarhi wo lavisisa Yehovha,+
Kukondza a fika a ta mi dyondzisa hi ku lulama.+
13 Kambe mi rime leswo homboloka,
Mi tshovele leswi nga lulamangiki,+
Mi kume vuyelo bya vuxisi bya n’wina;
Hikuva mi titshembe ngopfu,
Mi tshemba ni mavuthu ya n’wina.
14 Vanhu va n’wina va ta hlaseriwa,
Miti ya n’wina leyi biyeriweke yi ta lovisiwa,+
Ku fana ni ku lovisiwa ka yindlu ya Arabela hi Xalimani,
Hi siku ra nyimpi loko vamanana va dlayeteriwa ni vana va vona.
15 Leswi hi leswi u nga ta endliwa swona wena Bethele,+ hikwalaho ka vubihi bya wena lebyikulu.
Hosi ya Israyele yi ta lovisiwa* hi nkarhi wa vurhonga.”+
3 Kambe hi mina loyi ndzi nga deyisa Efrayimi,+ ndzi n’wi tlakula;+
Kambe a va swi lemukanga leswaku ndzi va horisile.
4 Ndzi tirhise rirhandzu ni musa ku fana ni tintambu leswaku ndzi va kokela eka mina;+
A ndzi fana ni loyi a susaka joko etinhan’wini ta vona,
Naswona ndzi va tisele swakudya hi musa.
5 A va nge tlheleli etikweni ra Egipta kambe Asiriya u ta va hosi ya vona,+
Hikuva va arile ku tlhelela eka mina.+
6 Banga ri ta rhendzeleka ni miti ya yena+
Ri n’wi herisa swin’we ni swo goga swa tinyangwa ta muti hikwalaho ka makungu ya vona yo biha.+
7 Vanhu va mina va tolovele ku ka va nga tshembeki eka mina.+
Hambiloko va vitaniwa leswaku va tlhelela eka loyi a tlakukeke,* a nga kona ni un’we loyi a yingisaka.
8 Xana ndzi nga ku tshikisa ku yini, wena Efrayimi?+
Xana ndzi nga ku nyiketisa ku yini eka valala va wena, wena Israyele?
Xana ndzi nga ku khoma ku fana na Adima hi ndlela yihi?
Xana ndzi nga ku endla u fana na Seboyima hi ndlela yihi?+
Mbilu ya mina se yi hundzukile;
Ndzi ni ntwelavusiwana.+
9 Ndzi ta tikhoma eka vukarhi bya mina lebyi pfurhaka.
A ndzi nge he n’wi lovisi Efrayimi,+
Hikuva mina ndzi Xikwembu a ndzi munhu,
Ndzi Mukwetsimi exikarhi ka wena;
A ndzi nge lwi na wena ndzi hlundzukile.
10 Va ta landzela Yehovha, kutani u ta vomba kukota nghala;+
Loko a vomba, vana va yena va ta ta va ri karhi va rhurhumela va huma evupeladyambu.+
11 Loko va huma eEgipta va ta rhurhumela ku fana ni xinyenyana,
Ku fana ni tuva loko va huma etikweni ra Asiriya;+
Kutani ndzi ta va tshamisisa etindlwini ta vona,” ku vula Yehovha.+
12 “Efrayimi u tshamela ku ndzi xisa,
Hinkwako laha ndzi yaka kona ndzi vona vuxisi bya yindlu ya Israyele.+
Kambe Yuda wa ha famba ni Xikwembu,
Naswona wa tshembeka eka La Kwetsimaka Ngopfu.”+
12 “Efrayimi u tshemba leswi nga pfuniki nchumu.*
U hlongorisa moya wa le vuxeni siku hinkwaro.
U tshamela ku hemba ni ku endla madzolonga.
Va endla ntwanano na Asiriya+ kutani va teka mafurha va ma yisa eEgipta.+
2 Yehovha u ni mhaka leyi a lavaka ku yi tenga na Yuda;+
U lava leswaku Yakobo a tihlamulela hikwalaho ka swiendlo swakwe,
U ta endla leswaku a kuma hakelo ya swiendlo swakwe.+
3 U khome makwavo hi xirhendze loko a ha ri ekhwirini,+
U lwe ni Xikwembu hi matimba yakwe hinkwawo.+
4 A nga tshikanga ku lwa ni ntsumi kukondza a yi hlula.
U ririle a kombela ku katekisiwa.”+
6 “Tlhelela eka Xikwembu xa wena,+
Tshama u ri ni rirhandzu ra ntiyiso ni vululami,+
U tshemba Xikwembu xa wena mikarhi hinkwayo.
Eka hinkwaswo leswi ndzi swi endlaka a va nge kumi xihoxo kumbe xidyoho.’
9 Kambe hi mina Yehovha Xikwembu xa wena ku sukela loko wa ha ri etikweni ra Egipta.+
Ndzi ta tlhela ndzi endla leswaku u tshama ematendeni
Ku fana ni le masikwini ya nkhuvo.
10 Ndzi vulavule ni vaprofeta,+
Ndzi andzise swivono swa vona,
Ndzi vulavule hi swifananisi hi ku tirhisa vaprofeta.
11 Vanhu va le Giliyadi va ni vukanganyisi*+ naswona a va na ntiyiso.
12 Yakobo u balekile a ya etikweni ra Aramu;*+
Israyele+ u tirhe kwale leswaku a ta kuma nsati,+
U rise tinyimpfu leswaku a ta kuma nsati.+
13 Yehovha u humese Israyele eEgipta hi ku tirhisa muprofeta,+
Israyele a a sirheleriwa hi muprofeta.+
14 Efrayimi u khunguvanyise Xikwembu swinene;+
Wa ha ri ni nandzu wa ngati;
Hosi yakwe yi ta n’wi xupula hikwalaho ka ndzhukano wa yena.”+
Kambe u ve ni nandzu hikwalaho ko gandzela Bali+ kutani a fa.
2 Sweswi va endla xidyoho xin’wana,
Va endla swikwembu hi silivhere;+
Va endla swifaniso swo saseka ku nga ntirho wa mavoko ya vona.
Va swi byela va ku, ‘Vanhu lava endlaka magandzelo a va tswontswe marhole ya kona.’+
3 Hikwalaho va ta fana ni mapapa ya nimixo,
Va ta fana ni mberha leyi nyamalalaka ka ha ri mixo,
Va ta fana ni muhungu* lowu biwaka hi xidzedze exivuyeni,*
Ni musi lowu humaka hi chimele ehenhla ka lwangu.
4 Kambe hi mina Yehovha Xikwembu xa wena ku sukela loko wa ha ri etikweni ra Egipta;+
A wu nga tivi Xikwembu xin’wana handle ka mina,
Naswona handle ka mina a ku na muponisi un’wana.+
5 Ndzi ku hlayisile emananga,+ etikweni ra dyandza.
Kutani va ndzi rivala.+
8 Ndzi ta va hlasela ku fana ni bere leyi lahlekeriweke hi vana va yona,
Ndzi ta handzula swifuva* swa vona.
Ndzi ta va lovisa kukota nghala;
Xivandzana xa nhova xi ta va phatlulela.
9 Xi ta ku lovisa, wena Israyele,
Hikuva u ndzi fularherile, mina mupfuni wa wena.
10 Yi kwihi hosi ya wena leswaku yi ku ponisa emitini ya wena hinkwayo,+
Ni vafumi* va wena, lava u nga te,
‘Ndzi nyike hosi ni tihosana’?+
13 U ta khomiwa hi switlhavi swa ku veleka.
Kambe i n’wana loyi a nga tlharihangiki;
Hikuva loko ku ri nkarhi wa leswaku a velekiwa a nga lavi ku huma.
Wena Rifu, ndzhombo wa wena wu kwihi ke?+
Wena Sirha, ma kwihi matimba ya wena yo lovisa?+
A ndzi nge vi na ntwelavusiwana.
15 Hambiloko wo tala ku fana ni tinhlanga,
Moya wa le vuxeni wu ta ta, moya wa Yehovha,
Wu ta ta wu huma emananga, wu ta omisa xihlovo ni xinambyana xa yena.
Ku ni loyi a nga ta phanga xuma xa yena hinkwaxo.+
16 Samariya u ta voniwa nandzu+ hikuva u xandzukele Xikwembu xa yena.+
Va ta dlayiwa hi banga,+
Vana va vona va ta tsemeleriwa,
Vavasati va vona lava tikeke va ta handzuriwa makhwiri.”
14 “Tlhelela eka Yehovha Xikwembu xa wena, wena Israyele,+
Hikuva u wile hikwalaho ka xidyoho xa wena.
2 Tlhelela eka Yehovha,
U fika u ku, ‘Hi rivalele xidyoho xa hina,+ u amukela leswinene leswi humaka eka hina,
Hi ta ku dzunisa hi milomu ya hina+ ku fana ni loko ku endliwa magandzelo hi swinkuzana.*
A hi nge ti gadi tihanci,+
A hi nge he vuli eka xikwembu lexi hi tiendleleke xona hi ku, “U Xikwembu xa hina,”
Hikuva n’wana la nga riki na tatana hi wena u n’wi kombaka tintswalo.’+
4 Ndzi ta herisa* ku nga tshembeki ka vona.+
5 Ndzi ta fana ni mberha eka Israyele;
U ta saseka ku fana ni xiluva,
U ta dzima timitsu ta yena kukota timitsu ta mirhi ya le Lebanoni.
6 Marhavi yakwe lamatsongo ma ta hluka,
U ta saseka ku fana ni murhi wa mutlhwari,
Nun’hwelo wa yena wu ta fana ni murhi wa le Lebanoni.
7 Va ta tlhela va tshama ehansi ka ndzhuti wa yena.
Va ta byala mavele, va hluka kukota murhi wa madiriva.+
U ta tiviwa* ku fana ni vhinyo ya le Lebanoni.
8 Efrayimi u ta ku, ‘A ndza ha lavi ku twa nchumu hi ku gandzela swifaniso.’+
Ndzi ta n’wi hlamula, ndzi n’wi khathalela.+
Ndzi ta fana ni murhi lowukulu wa yunipa.
U ta kuma mihandzu ya yena eka mina.”
9 Loyi a tlhariheke a a twisise swilo leswi.
Loyi a nga ni ku twisisa a a tive swilo leswi.
Hikuva tindlela ta Yehovha i tinene,+
Naswona lavo lulama va ta famba eka tona;
Kambe vadyohi va ta khuguleka va wa eka tona.
I nkomiso wa vito leri nge Hoxaya, leri vulaka “Ku Ponisiwa Hi Yehovha; Yehovha U Ponisile.”
Leswi vulaka “Xikwembu Xi Ta Byala Mbewu.”
Kumbe “mpaxu.”
Leswi vulaka “A Va Kombiwanga Musa.”
Leswi vulaka “A Hi Vanhu Va Mina.”
Vona nhlamuselo ya le hansi ya Hs 1:9.
Vona nhlamuselo ya le hansi ya Hs 1:6.
Hi Xiheveru, “Ni vuoswi byakwe exikarhi ka mavele yakwe.”
Hi Xiheveru, “nuna wa mina wo sungula.”
Kumbe “Bali Wa Mina.”
Leswi vulaka “Xikwembu Xi Ta Byala Mbewu.”
Vona nhlamuselo ya le hansi ya Hs 1:6.
Vona nhlamuselo ya le hansi ya Hs 1:9.
Ku nga lawa a ma tirhisiwa evugandzerini bya mavunwa.
Homere a yi ringana na 220 wa tilitara. Vona Xiengetelo B14.
Hi Xiheveru, “masiku yo tala.”
Vona Tinhlamuselo.
Kumbe “swikwembu swa ndyangu; swifaniso swa mavunwa.”
Kumbe “xileriso.”
Kumbexana “Ku vangama ka mina va ku hundzule tingana.”
Kumbe “nhonga ya mungoma.”
Hi Xiheveru, “endhawini leyi pfulekeke?”
Kumbe “byala bya koroni.”
Hi Xiheveru, “Switlhangu.”
Kumbe “kukula.”
Kumbe “Vaxandzuki.”
Kumbe “ndzi ta va tshinya.”
Swi nga ha endleka vana lava a va va veleke ni vavasati va le matikweni man’wana kutani va fularhele Xikwembu.
Kumbe “masimu.”
Hi Xiheveru, “Sweswi n’hweti yi ta va lovisa.”
Ku nga xitiviso xa nyimpi.
Kumbexana “Timbilu ta vona ti fana ni xitiko loko va ri karhi va ta ni makungu ya vona.”
Hi Xiheveru, “vaavanyisi.”
Hi Xiheveru, “leri nga riki na mbilu.”
Kumbe “swileriso.”
Kumbexana “Va ta tlhelela.”
Ku nga ndhawu leyi ku peperhiwaka mavele eka yona.
Ku nga ndhawu leyi ku peperhiwaka mavele eka yona.
Kumbe “xikwembu lexi nyumisaka.”
Kumbexana “nava.”
Hi Xiheveru, “miyetiwa.”
Ku nga ku rhwala nxupulo wa vona ku fana ni joko.
Ku nga homu ya xisati leyitsongo leyi nga si vaka ni marhole.
Kumbe “panaka.”
Hi Xiheveru, “miyetiwa.”
Ku nga vaprofeta ni van’wana lava rhumiweke ku dyondzisa Vaisrayele.
Ku nga vugandzeri bya ntiyiso.
Hi Xiheveru, “Efrayimi u dya moya.”
Kumbe “i vito leri a tsundzukiwaka ha rona.”
Kumbe “muxavisi.”
Kumbe “va endla masalamusi.”
Kumbe “Siriya.”
Kumbe “vudyangwana.”
Ku nga ndhawu leyi ku peperhiwaka mavele eka yona.
Hi Xiheveru, “xisirhelelo xa mbilu ya vona.”
Hi Xiheveru, “vaavanyisi.”
Kumbe “hlayisiwile.”
Kumbe “Sheol.” Vona Tinhlamuselo.
Hi Xiheveru, “nyikela hi swinkuzana swa milomu ya hina.”
Hi Xiheveru, “tshungula.”
Hi Xiheveru, “tsundzukiwa.”