YUWELE
1 Rito ra Yehovha leri nga fika eka Yuwele* n’wana wa Petuwele ri te:
2 “Yingisani, n’wina vakulukumba,
Rhiyani ndleve n’wina hinkwenu vaakatiko.
Xana ku tshame ku endleka nchumu wo fana ni lowu emikarhini ya n’wina
Kumbe emikarhini ya vakokwa wa n’wina?+
3 Swi byeleni vana va n’wina,
Kutani vana va n’wina va ta swi byela vana va vona,
Kasi vana va vona va ta swi byela xitukulwana lexi landzelaka.
4 Leswi siyiweke hi tinjiya leti onhaka, swi dyiwe hi tinjiya leti hahaka;+
Leswi siyiweke hi tinjiya leti hahaka swi dyiwe hi tinjiya leti nga riki na timpapa;
Leswi siyiweke hi tinjiya leti nga riki na timpapa swi dyiwe hi tinjiya ta makolo.+
5 Pfukani mi rila n’wina swidakwa!+
Kololani n’wina hinkwenu lava va nwaka vhinyo,
Hikuva mi tekeriwe vhinyo yo tsokombela emilon’wini ya n’wina.+
6 Hikuva ku ni vuthu leri nga ta etikweni ra mina, i vuthu ra ntsandzavahlayi leri nga ni matimba.+
Ri ni tinhlaya ni meno yo fana ni ya nghala.+
7 Ri onhe nsimu ya mina ya madiriva, nkuwa wa mina wu lo sala hi xikundzu* ntsena,
Ri kwamule mahanti ri ma lahlela ekule,
A ku salanga nchumu ni le marhavini ya wona lamatsongo.
8 Kalakalani hilaha nhwana loyi a ambaleke xiambalo* xo khwaxa a kalakalaka hakona
Loko a rilela jaha* ra yena.
9 Gandzelo ra mavele+ ni gandzelo ra swakunwa+ a swa ha ri kona endlwini ya Yehovha;
Vaprista lava tirhelaka Yehovha, va le ku rileni.
10 Nsimu yi onhiwile, misava ya rila;+
Hikuva mavele ma herile, vhinyo leyintshwa yi herile, mafurha na wona ma herile.+
11 Varimi va tshoveke timbilu, varimi va madiriva va kolola,
Hikwalaho ka koroni ni maxalana;
Hikuva a ku na ntshovelo.
12 Murhi wa madiriva wu omile,
Nkuwa wu vunile.
Murhi wa mugrenada ni wa ncindzu ni muapula,
Mirhi hinkwayo leyi nga emasin’wini yi omile;+
Vanhu va helele hi ntsako.
Nghenani mi etlela mi ambale swiambalo swo khwaxa, n’wina lava tirhelaka Xikwembu xanga;
Hikuva gandzelo ra mavele+ ni gandzelo ra swakunwa+ a swa ha yisiwi endlwini ya Xikwembu xa n’wina.
14 Lunghekelani nkarhi wa ku titsona swakudya; vitanani vanhu va ta enhlengeletanweni yo hlawuleka.+
Vitanani vakulukumba ni vaaki hinkwavo va tiko,
Leswaku va ta endlwini ya Yehovha Xikwembu xa n’wina,+ mi ta kombela mpfuno eka Yehovha.
15 Khombo esikwini rero!
Hikuva siku ra Yehovha ri le kusuhi,+
Hi siku rero lowa Matimba Hinkwawo u ta lovisa!
16 Xana swakudya a swi tekiwanga hi swi langutile,
Ni ntsako a wu herisiwanga endlwini ya Xikwembu xa hina?
17 Timbewu* ti vunile ehansi ka tifoxolo ta vona.
Switlati a swi na nchumu.
Madulu ma hirimuxiwile hikuva a ku tshoveriwanga nchumu.
18 Hambi ku ri swifuwo swa konya!
Mitlhambi ya tihomu ya tsendzeleka yi pfilunganyekile, hikuva a yi na madyelo!
Naswona mitlhambi ya tinyimpfu ya xaniseka hikwalaho ka nandzu wa vona.
19 Ndzi ta ku vitana, wena Yehovha;+
Hikuva ndzilo wu lovise madyelo ya le mananga,
Malangavi ma hise mirhi hinkwayo ya nhova.
20 Hambi swiharhi swa nhova swi rilela eka wena,
Hikuva swinambyana swi phyile,
Ndzilo wu lovise madyelo ya le mananga.”
Mi ba hungwe* ra nyimpi entshaveni ya mina yo kwetsima.
Vaakatiko hinkwavo a va rhurhumele,
Hikuva siku ra Yehovha ra ta!+ Ri le kusuhi!
2 I siku ra munyama ni ku dzwihala,+
Siku ra mapapa ni ku dzwihala lokukulu,+
Ku fana ni ku vonakala ka vurhonga loku vaka kona etintshaveni.
Ku ni vanhu vo tala va matimba;+
A ku si tshama ku va ni vo fana na vona,
Naswona vo fana na vona a va nge he pfuki va ve kona
Eka switukulwana hinkwaswo leswi nga ta landzela.
Tiko leri nga emahlweni ka vona ri fana ni ntanga wa Edeni,+
Kambe loko va hundzile ku sala mananga ntsena,
A ku na lexi nga ta pona.
5 Swigingi swa vona swi twala ku fana ni makalichi loko ma tsutsuma ehenhla ka tintshava,+
Ku fana ni mpfumawulo wa ndzilo lowu hisaka mahlanga.
Va fana ni vuthu leri lunghekeleke nyimpi.+
6 Vanhu va ta va ni gome hikwalaho ka vona.
Swikandza hinkwaswo swi ta basuluka.
7 Va hlasela ku fana ni tinhenha,
Va khandziya khumbi ku fana ni masocha,
A va tlhentlhi,*
Naswona a va hambuki.
8 A va susumetani;
Un’wana ni un’wana u famba endleleni yakwe.
Loko van’wana va dlayiwa hi matlhari,*
Lavan’wana a va yimi.
9 Va hlasela muti, va tsutsuma ehenhla ka khumbi ra wona.
Va khandziya ehenhla ka tiyindlu, va nghena hi mafasitere ku fana ni khamba.
10 Loko va humelela, tiko ra tsekatseka ni matilo ma ninginika.
Dyambu ni n’weti swi hundzuka munyama,+
Tinyeleti a ta ha voningi.
11 Yehovha u ta huwelela vuthu rakwe+ hikuva i rikulu swinene.+
Loyi a endlaka leswi vuriwaka hi Yena u ni matimba;
Hikuva siku ra Yehovha i rikulu naswona ra chavisa swinene.+
I mani loyi a nga ri tiyelaka?”+
12 “Hambi ku ri sweswi,” ku vula Yehovha, “tlhelelani eka mina hi timbilu ta n’wina hinkwato,+
Mi titsona swakudya,+ mi rila mi kalakala.
13 Handzulani timbilu ta n’wina+ ku nga ri swiambalo swa n’wina,+
Mi tlhelela eka Yehovha Xikwembu xa n’wina,
Hikuva u ni ntwelavusiwana* ni tintswalo, u hlwela ku hlundzuka+ naswona u ni rirhandzu,+
U ta tshika ku tisa khombo leri.
14 I mani loyi a swi tivaka leswaku kumbexana u ta tshika ku tisa khombo,+
A mi tisela mikateko,
Leswaku mi ta nyikela gandzelo ra mavele ni ra swakunwa eka Yehovha Xikwembu xa n’wina?
15 Yimbani nanga eSiyoni!
Lunghekelani nkarhi wa ku titsona swakudya; vitanani vanhu va ta enhlengeletanweni yo hlawuleka.+
16 Hlengeletani vanhu; mi va kwetsimisa.+
Hlengeletani vakulukumba ni vana ni tincece.+
Muteki a a hume ekamareni rakwe ni mutekiwa a a hume.
‘Yehovha Xikwembu xerhu, twela vanhu va wena vusiwana;
U nga endli leswaku vanhu* va wena va va xihlekiso,
Hi ku va tshika va fumiwa hi matiko man’wana.
Hikwalaho ka yini vanhu va fanele va ku, “Xi kwihi Xikwembu xa vona?”’+
19 Yehovha u ta hlamula vanhu va yena a ku:
‘Ndzi ta rhumela mavele, vhinyo leyintshwa ni mafurha,
Mi ta eneriseka ha swona;+
A ndzi nge he mi endli xihlekiso exikarhi ka matiko.+
20 Ndzi ta hlongola munhu wa le n’walungwini a ya ekule na n’wina;
Ndzi ta n’wi yisa emananga laha ku nga riki na munhu,
Lava rhangeke emahlweni ka yena va ta ya elwandle ra le vuxeni,*
Lava nga endzhaku ka yena va ta ya elwandle ra le vupeladyambu.*
Ku nun’hwa ka yena ku ta twala etikweni hinkwaro,
Risema ra yena ri ta nyanya ku nun’hwa etikweni hinkwaro;+
Hikuva Xikwembu xi ta endla swilo leswikulu.’
21 Mi nga chavi, n’wina vanhu va tiko.
Tsakani mi giya hikuva Yehovha u ta endla swilo leswikulu.
22 Mi nga chavi, n’wina swiharhi,
Hikuva madyelo ya le mananga ma ta va ya rihlaza,+
Ni mirhi yi ta tswala mihandzu;+
Nkuwa ni murhi wa madiriva swi ta tswala mihandzu yo tala.+
23 N’wina vana va Siyoni, tsakani mi tsakisisa hikwalaho ka Yehovha Xikwembu xa n’wina;+
Hikuva u ta mi nyika mpfula ya xixikana hi mpimo lowunene,
U ta mi nisela timpfula,
Ta xixikana ni ta ximun’wana, hilaha a a endla hakona.+
24 Ndhawu leyi ku peperhiwaka eka yona yi ta tala hi mavele,
Swikamelo swi ta khapakhapa hi vhinyo leyintshwa ni mafurha.+
25 Ndzi ta mi riha* malembe lawa mi hlaseriweke wona
Hi tinjiya leti hahaka, tinjiya leti nga riki na timpapa, tinjiya leti nga ni makolo ni leti onhaka,
Ku nga vuthu ra mina lerikulu leri ndzi ri rhumeleke exikarhi ka n’wina.+
26 Kunene mi ta dya mi xurha,+
Mi ta dzunisa vito ra Yehovha Xikwembu xa n’wina,+
Loyi a mi endleleke swilo swo hlamarisa;
Vanhu va mina a va nge he pfuki va khomiwe hi tingana.+
27 Mi ta tiva leswaku ndzi le xikarhi ka n’wina*+
Nileswaku hi mina Yehovha Xikwembu xa n’wina,+ a ku na un’wana.
Vanhu va mina a va nge he pfuki va khomiwe hi tingana.
28 Endzhaku ka sweswo ndzi ta chululela moya wa mina eka vanhu hinkwavo,+
Vana va n’wina va majaha ni va vanhwanyana va ta profeta,
Kasi vakhalabye va n’wina va ta lorha milorho,
Majaha ya n’wina ma ta vona swivono.+
29 Emasikwini wolawo ndzi ta chululela moya wa mina ni le ka malandza ya mina ya xinuna ni ya xisati.
30 Ndzi ta endla swihlamariso ematilweni ni le misaveni,
Ngati ni ndzilo ni mapapa ya musi.+
31 Dyambu ri ta hundzuriwa ri va munyama, n’weti wu ta tshwuka ku fana ni ngati,+
Ku nga si fika siku lerikulu ni leri chavisaka ra Yehovha.+
32 Kutani un’wana ni un’wana loyi a vitanaka vito ra Yehovha u ta ponisiwa;+
Hikuva eNtshaveni ya Siyoni ni le Yerusalema ku ta va ni lava nga ta pona,+ hilaha Yehovha a vuleke hakona,
Lava ponaka hi lava vitaniwaka hi Yehovha.”
3 “Waswivo, emasikwini wolawo hi nkarhi wolowo,
Loko ndzi vuyisa mahlonga ya Yuda na Yerusalema,+
2 Ndzi ta tlhela ndzi hlengeleta matiko hinkwawo,
Ndzi ma tisa eNkoveni wa Yehoxafati.*
Ndzi ta ma avanyisa kona+
Hikwalaho ka Vaisrayele lava ku nga vanhu va mina ni ndzhaka ya mina,
Hikuva va n’wi hangalasile exikarhi ka matiko,
Va tlhela va avelana tiko ra mina.+
3 Va hoxela vanhu va mina vuhlolotwana,*+
Va xavisa xifanyetana leswaku va kuma nghwavava
Va xavisa xinhwanyatana leswaku va kuma vhinyo.
4 Hikwalaho ka yini mi ndzi khoma hi ndlela leyi,
Wena Tiri na Sidoni ni miganga hinkwayo ya Filista?
Xana ku ni leswi mi ndzi rihiselaka swona?
Loko swi ri tano,
Na mina ndzi ta ti rihisela hilaha mi endleke hakona eka mina.+
5 Hikuva mi teke silivhere ni nsuku wa mina,+
Mi teke ni rifuwo ra mina ra nkoka mi ri yisa etitempeleni ta n’wina;
6 Vanhu va le Yuda ni va le Yerusalema mi va xavisele Magriki,+
Hi xikongomelo xo va susa va ya tshama ekule ni tiko ra vona;
7 Ndzi ta va landza laha mi va xaviseke kona,+
Ndzi ta mi rihisa leswi mi ndzi endleke swona.
8 Vana va n’wina va majaha ni va vanhwanyana ndzi ta va xavisela Vayuda,+
Kutani vona va ta va xavisela vanhu va le Xeba, ku nga tiko leri nga ekule swinene;
Ku vula Yehovha.
9 Tivisani matiko mhaka leyi:+
‘Lunghekelani nyimpi! Pfuxani tinhenha!
Masocha hinkwawo a ma tshinele, a ma te!+
10 Endlani swikomu swa n’wina swi va mabanga ni swikhutulo swi va matlhari.*
Lowo tsana a a vule a ku: “Ndzi ni matimba.”
11 Tanani mi ta pfuna n’wina matiko hinkwawo lama nga ekusuhi, hlengeletanani!’”+
Yehovha Xikwemba xanga, rhumela mavuthu ya wena endhawini yoleyo.
12 “Matiko a ma hlengeletane ma ta eNkoveni wa Yehoxafati;
Ndzi ta va kwalaho leswaku ndzi avanyisa matiko hinkwawo lama nga ekusuhi.+
13 Sungulani ku tshovela hi sikiri* hikuva ntshovelo wu wupfile.
Tanani mi ta kama madiriva hikuva xikamelo xi tele.+
Makhuwana ma khapakhapa hikuva vubihi bya matiko byi tele.
14 Mitshungu yi le nkoveni laha ku endliwaka swiboho swa vuavanyisi,
Hikuva siku ra Yehovha ri le kusuhi ri le nkoveni laha ku endliwaka swiboho swa vuavanyisi.+
15 Dyambu ni n’weti swi ta hundzuka munyama,
Tinyeleti a ti nge he voningi.
16 Yehovha u ta vomba ku fana ni nghala a ri eSiyoni,
U ta twala a ri eYerusalema.
Matilo ni misava swi ta ninginika;
Kambe Yehovha u ta va ndhawu yo tumbela ya vanhu vakwe,+
Xisirhelelo xa vanhu va Israyele.
17 Mi ta tiva leswaku hi mina Yehovha Xikwembu xa n’wina lexi nga eSiyoni, ntshava ya mina yo kwetsima.+
Muti wa Yerusalema wu ta va ndhawu yo kwetsima,+
18 Esikwini rero tintshava ti ta thona vhinyo yo tsokombela,+
Swintshabyana swi ta khuluka ntswamba,
Swinambyana hinkwaswo swa Yuda swi ta khuluka mati.
Endlwini ya Yehovha ku ta va ni xihlovo,+
Xi ta cheleta Nkova wa Mirhi ya Munga.
19 Loko ku ri Egipta u ta va rhumbi,+
Edomu u ta va mananga lawa ku nga tshamiki munhu,+
Hikwalaho ka leswi va khomeke vanhu va Yuda hi tihanyi etikweni ra vona,+
Laha va halateke ngati leyi nga riki na nandzu.+
Leswi vulaka “Yehovha I Xikwembu.”
Kumbe “xigodo.”
Kumbe “nguvu.”
Kumbe “nuna.”
Hi Xiheveru, “tikhameni.”
Kumbe “mi tiba swifuva.”
Kumbexana “Makuwa lama omisiweke.”
Ku nga xitiviso xa nyimpi.
Kumbe “A va tlheleli endzhaku.”
Kumbe “miseve.”
Kumbe “nsovo.”
Kumbe “vhurandi.”
Kumbe “ndzhaka.”
Ku nga Lwandle leri Feke.
Ku nga Lwandle ra Mediteraniya.
Kumbe “hakela.”
Ku nga Israyele.
Leswi vulaka “Yehovha I Muavanyisi.”
Vona Tinhlamuselo.
Kumbe “miseve.”
Kumbe “rihwevo.”
Kumbe “Vanhu lava humaka ematikweni man’wana.”