NAHUME
1 Ku avanyisiwa ka muti wa Ninivha:+ Buku ya xivono xa Nahume* wa Muelikoxo:
2 Yehovha i Xikwembu lexi lavaka leswaku ku gandzeriwa xona ntsena+ naswona wa rihisela;
Yehovha wa rihisela naswona u lunghekele ku kombisa vukarhi bya yena.+
Yehovha wa tirihisela eka valala va yena,
Naswona vukarhi byakwe u byi hlayisela valala va yena.
3 Yehovha u hlwela ku hlundzuka+ naswona u ni matimba lamakulu,+
Kambe Yehovha a nge tshiki ku xupula lava faneriwaka hi ku xupuriwa.+
Loko a famba ku ba moya ni xidzedze lexi lovisaka,
Mapapa ma fana ni ritshuri emilengeni yakwe.+
Swimilana swa tiko ra Baxani ni ra Karimeli swa vuna,+
Ni swiluva swa Lebanoni swa vuna.
Misava yi ta tsekatseka hikwalaho ka xikandza xa yena,
Swin’we ni tiko ni vanhu hinkwavo lava tshamaka eka rona.+
6 I mani loyi a nga yimaka emahlweni ka vukarhi bya yena?+
I mani loyi a nga tiyiselaka vukarhi bya yena lebyikulu?+
Vukarhi bya yena byi ta chuluriwa ku fana ni ndzilo,
Naswona maribye ma ta fayeka hikwalaho ka yena.
7 Yehovha hi lonene,+ i vutumbelo hi siku ra maxangu.+
Wa va khathalela* lava lavaka vutumbelo eka yena.+
9 Xana mi nga endlela Yehovha xikungu?
U lovisa hi ku helela.
Maxangu a ma nge he tlheli ma va kona.+
10 Hikuva va phasanile ku fana ni mitwa,
Va fana ni vanhu lava dakweke hi byala;*
Kambe va ta hisiwa ku fana ni mahlanga.
11 Eka wena ku ta huma loyi a endlaka kungu ro biha ro lwa na Yehovha,
A nyikela xitsundzuxo lexi nga pfuniki nchumu.
12 Yehovha u ri:
“Hambileswi va nga ni matimba va tlhela va tala,
Va ta herisiwa va lova.
Ndzi ku xanisile,* kambe a ndzi nge he tlheli ndzi ku xanisa.
13 Ndzi ta tshova joko ra yena leri nga ehenhla ka wena,+
Ndzi ta ti tsema hi le xikarhi tintambhu leti ku boheke.
Ndzi ta herisa swikwembu leswi vatliweke ni swa nsimbhi leswi nga etempeleni* ya wena.
Ndzi ta ku celela sirha, hikuva wa nyenyetsa.’
Tlangela mikhuvo ya wena,+ wena Yuda, endla leswi u swi hlambanyeke,
Hikuva xihunguki a xi nge he tlheli xi tsemakanya endhawini ya wena.
Xi ta lovisiwa hi ku helela.”
2 Loyi a hangalasaka u tile ku ta lwa na wena.*+
Rindza makhokholo.
Tshama u rindze ndlela.
Hloma* u lungheka.
2 Hikuva Yehovha u ta endla leswaku Yakobo
Na Israyele va tlhela va va ni xindzhuti,
Hikuva vahlaseri va va hlaserile;+
Va onhe marhavi ya vona ya madiriva.
3 Switlhangu swa vavanuna vakwe va matimba swi pendiwe swi va swo tshwuka,
Tinhenha takwe ti ambale swiambalo swo tshwuka.
Makalichi yakwe ya nyimpi lama endliweke hi tinsimbhi ma hatima ku fana ni ndzilo
Hi siku leri a hlomelaka nyimpi,
Naswona matlhari lama endliweke hi yunipa ma rhurhumerisiwa.
4 Makalichi ya nyimpi ma tsutsuma hi ndlela leyi nga lawulekiki eswitarateni.
Ma ya ehansi ni le henhla exikarhi ka muti.
Ma vangama ku fana ni swisana swa ndzilo naswona ma hatima ku fana ni rihati.
5 U ta vitana tindhuna takwe ta nyimpi.
Ti ta rhurhumela hi ku chava loko ti ri karhi ti ta.
Ti tsutsumela ekhumbini;
Ti ya sirhelela muti.
6 Tinyangwa ta milambu ti ta pfuriwa,
Yindlu ya vuhosi yi ta mbundzumuxiwa.
7 Xiboho xi endliwile: Muti a wa ha sirhelelekanga,
Vaaki va wona va yisiwa evuhlongeni, malandza ya wona ya xisati ma konya;
Ma rila ku fana ni matuva ma ri karhi ma tiba swifuva.
“Yimani! Yimani!”
Kambe a ku na loyi a langutaka endzhaku.+
9 Phanghani silivhere, phanghani nsuku!
Ku ni xuma xo tala swinene.
Ku ni swilo swo hambanahambana swa risima.
10 Muti a wa ha ri na munhu, wu lovisiwile, i rhumbi.+
Timbilu ta vona ta n’oka hi ku chava, matsolo ya vona ma ngundlangundla, masenge ya vona ma rhurhumela;
Swikandza swa vona hinkwavo swi ni gome.
11 Ku endleke yini hi muti lowu a wu fana ni ndhawu ya tinghala,+ laha swinghalana a swi dya kona,
Laha nghala a yi fambafamba kona ni n’wana wa yona,
Ti nga chavisiwi hi munhu?
12 Nghala a yi hlotela vana va yona nyama yo tala ya swiharhi,
Yi tlhela yi dlayela tinghala ta yona ta xisati.
Ndhawu ya yona a yi tshama yi tele hi nyama,
Ndhawu ya yona a yi tala hi swiharhi leswi handzuleriweke.
13 “Waswivo! Ndzi lwa na wena,” ku vula Yehovha wa mavuthu,+
“Ndzi ta hisa makalichi ya wena ya nyimpi hi ndzilo,+
Banga ri ta heta swinghalana swa wena.
Ndzi ta herisa swiharhi leswi u swi hlotaka,
Varhumiwa va wena a va nge he twakali.”+
3 Khombo eka muti lowu halataka ngati!
Wu tele vuxisi ni vukhamba.
Wu tshama wu ri ni lava wu va kanganyisaka!
2 Ku twala ku buluka ka ximoko ni ku ketlaketla ka mavhilwa,
Ku tsutsuma ka hanci ni kalichi leyi tlulatlulaka.
3 Mugadi wa hanci, ku hatima ka banga ni tlhari,
Lava dlayiweke va tele ni tinhulu ta mitsumbu,
Mitsumbu yi lo n’walala!
Va tshamela ku phijiwa hi mitsumbu.
4 Leswi swi vangiwa hikwalaho ka swidyoho swa yena swo tala swa vunghwavava,
I nghwavava leyi kokaka matihlo hi vuxongi, wansati la nga noyi,
Loyi a phasaka matiko hi vunghwavava byakwe ni mindyangu hi vuloyi byakwe.
5 “Waswivo! Ndzi lwa na wena,”* ku vula Yehovha wa mavuthu,+
“Ndzi ta ku funungula swiambalo leswi u swi ambaleke ndzi ku pfala xikandza ha swona;
Ndzi ta endla leswaku matiko ma ku vonela,
Mifumo yi ta vona tingana ta wena.
I mani loyi a nga ta n’wi tshandzisa?’
Ndzi ta va kuma kwihi lava va nga ta ku chavelela?
8 Xana wena wa antswa eka muti wa No-amoni,*+ lowu a wu ri ekusuhi ni nambu wa Nayili?+
A wu rhendzeriwe hi mati;
Rifuwo ra wona ni khumbi ra wona a ku ri lwandle.
9 Etiyopiya na Egipta a va ri matimba ya yena lawa a nga tshemba wona.
Putu+ ni vanhu va le Libiya va n’wi pfunile.+
Vana vakwe na vona va yayarheriwile eswitarateni.*
Va hoxela vavanuna vakwe lava xiximekaka vuhlolotwana,*
Naswona vavanuna vakwe hinkwavo va matimba va bohiwe hi tinketana.
U ta lava vutumbelo eka nala wa wena.
12 Makhumbi ya muti wa wena hinkwawo ma fana ni mikuwa leyi nga ni makuwa lama wupfeke ku sungula;
Loko yi dzudziwa, makuwa ma ta wela emilon’wini ya lava dyaka.
13 Waswivo! Masocha ya wena ma fana ni vavasati lava nga exikarhi ka wena.
Tigede ta tiko ra wena ti ta pfuleriwa valala va wena.
Tigede ta wena ti ta hisiwa hi ndzilo.
14 Kelela mati lawa u nga ta ma tirhisa hi nkarhi wa ku rhendzeriwa ka wena.+
Tiyisa makhumbi ya muti wa wena.
Nghena endzhopeni u pfuva vumba;
Khoma foromo ya switina.
15 Hambi u ri kwalaho ndzilo wu ta ku lovisa.
Banga ri ta ku dlaya.+
Ri ta ku dya ku fana ni swinjiyana.+
Andza ku fana ni swinjiyana!
U tala ku fana ni tinjiya.
16 U andzise vaxavisi va wena ku tlula tinyeleti ta matilo.
Swinjiyana swa dzuvula kutani swi haha.
Ti tshama ematshangeni ya maribye loko ku titimela,
Kambe loko dyambu ri tlhava, ta haha;
A nga kona loyi a tivaka laha ti nga kona.
18 Varisi va wena va khudzehela, wena hosi ya Asiriya;
Tindhuna ta wena ti tshama emakaya ya tona.
Vanhu va wena va hangalake etintshaveni,
A ku na loyi a va hlengeletaka.+
19 Maxangu ya wena a ma heli.
Mbanga ya wena a yi holi.
Hinkwavo lava twaka xiviko ha wena va ta phokotela mavoko;+
Hikuva i mani loyi a nga xanisekangiki hikwalaho ka tihanyi ta wena?”+
Leswi vulaka “Muchaveleri.”
Hi Xiheveru, “tiva.”
Ku nga Ninivha.
Kumbe “byala bya koroni.”
Ku nga Yuda.
Ku nga Asiriya.
Hi Xiheveru, “endlwini.”
Ku nga Ninivha.
Hi Xiheveru, “Khama masenge.”
Ku nga Ninivha.
Ku nga Tebesi.
Hi Xiheveru, “emahandzeni ya tindlela.”
Vona Tinhlamuselo.
Ku nga tinjiya leti hahaka hi ntlawa.