XIVUTISO 6
Bibele yi profete yini hi Mesiya?
VUPROFETA
“Wena Betlehema Efrata, . . . eka wena ku ta huma loyi ndzi nga ta n’wi veka ku fuma Israyele.”
KU HETISEKA KA BYONA
“Endzhaku ka loko Yesu a velekiwile eBetlehema wa Yudiya hi nkarhi wa ku fuma ka hosi Heroda, ku te vangoma va tinyeleti eYerusalema lava humaka etikweni ra le Vuxeni.”
VUPROFETA
“Va avelana swiambalo swa mina, naswona va hoxa vuhlolotwana leswaku va avelana swiambalo swa mina.”
KU HETISEKA KA BYONA
“Loko masocha ma belele Yesu emhandzini, ma teke swiambalo swakwe swa le handle ma swi ava swi va swiphemu swa mune . . . Kambe xiambalo xa le ndzeni a xi nga rhungiwanga, a xi lukiwe ku suka ehenhla ku ya fika ehansi. Hiloko ma byelana ma ku: ‘Hi nga xi handzuli, kambe a hi hoxeni vuhlolotwana hi ta tiva leswaku xi ta va xa mani.’”
VUPROFETA
“U sirhelela marhambu yakwe hinkwawo; a ku tshovekanga ni rin’we.”
KU HETISEKA KA BYONA
“Loko ma fika eka Yesu, a ma yi tshovanga milenge yakwe hikuva ma vone leswaku se a a file.”
VUPROFETA
“U tlhaviwile hikwalaho ka swidyoho swa hina.”
KU HETISEKA KA BYONA
“Socha rin’wana ri n’wi tlhava timbambu hi tlhari, hiloko ku huma ngati ni mati.”
VUPROFETA
“Va ndzi hakela swiphemu swa 30 swa silivhere.”
KU HETISEKA KA BYONA
“Kutani un’wana wa lava 12, loyi a vuriwaka Yudasi Iskariyota, a ya eka vaprista lavakulu a fika a ku: ‘Xana mi ta ndzi nyika yini loko ndzo mi pfuna leswaku mi n’wi khoma?’ Hiloko va n’wi tshembisa swiphemu swa 30 swa mali ya silivhere.”